龙虎山是一座来勒江西省（鹰潭市）贵溪市境内个大山，离鹰潭市区有廿公里，此地有丹霞地貌、峰林景观。来勒中国邪气有名，主峰龙虎山（龙虎峰）海拔247.4米，2001年成为国家地质公园，2010年成为世界自然遗产。
龙虎山
龙虎山有邪气有名个文化遗产，两千多年之前，古越人就来勒此地留下仙水岩崖墓群，现在已经成为全国重点文物保护单位。东汉辰光，正一派个创始人张道陵到此地炼丹，听讲：“丹成而龙虎现，山因得名”。张道陵个第四代孙张盛来勒三国或西晋辰光到此地定居，世代相传，之后，成为天师教个中心。伊拉个教主，也以张天师闻名于世。
