習馬會（台灣叫馬習會）是講中共中央總書記習近平搭中華民國總統馬英九，作為兩岸最高領導人個歷史性碰頭，兩家頭2015年11月7號勒新加坡碰頭[1]。箇趟是兩岸勒1949年分治過後，領導人頭一趟直接接觸。本來大陸搭台灣雙方有意畀兩個人以中國共產黨搭中國國民黨領導人身份見面，但必過馬英九勒2014年底因為地區選舉失利辭脫仔國民黨主席職務，因此雙方以「兩岸領導人」身份見面，互相叫對方「先生」，弗用官職稱呼。
