2023年北京地铁追尾事故
2023年北京地铁追尾事故是一起2023年12月14号夜到头18点57分发生个交通意外，勒拉北京地铁昌平线个西二旗站到生命科学园站区间浪发生个[1]。据报拢总造成515人受伤送医，当中102人骨折，但呒没人死脱[2]。
事件经过 编辑
2023年12月14号18点57分，昌平线西二旗站到生命科学园站区间进行供电个第三轨断电，部分列车勒拉区间里向发生“车辆故障”。后有多张现场照片搭视频显示，CP024同CP032两部列车勒拉北京北动车运用所西面个昌平线上行（昌平西山口方向）亲屁股哉，具体勒拉二拨子新村同龙域社区公园当中，京新高速航天城二桥东面。列车车厢畀压仔、断脱哉，有部分乘客受伤，也有人从车厢连接个地方掼到铁轨浪。呒没受伤个乘客勒拉大雪天从贴垃铁轨边浪个紧急通道走到西二旗站、生命科学园站或清河站离开[3][4]。
事故处理 编辑
事故发生后，西二旗站临时封站、13号线列车过站弗停，地铁救援人员拿乘客疏散到西二旗站，提供保暖搭救助个物事[5][6][7]。北京市委书记尹力、市长殷勇等赴事故现场处置[8]。有关部门安排接驳大巴去沙河地铁站[9]。22点34分，事故现场疏散结束，初步结果是箇趟事故拢总造成30多人受伤，呒没人死脱，受伤个正陆续送去医院[10][11][12]，积水潭医院新龙泽院区进行收治[8]。23点，北京地铁勒拉微博表示道歉[13]。事后通报称拢总有515人送医院检查，当中102人骨折[2]。
事故后 编辑
事故发生后，昌平线只勒拉朱辛庄站到昌平西山口站、西土城站到学知园站箇两個区间进行有限度个运营服务[14]。因为事故发生个地方限制，事故列车并呒没及时拉咾跑，故咾12月15号，昌平线依然分段运营，南段个北端终点站改到西二旗站，朱辛庄-西二旗间开了只免费摆渡专线[15]。13号线西二旗站也勒拉12月15号首班车起恢复运营。
12月15日晚，事故列车畀轨道车回送到定泗路停车场。受事故影响个西二旗-朱辛庄段勒拉12月16号首班车起恢复运营[16]。
北京地铁其他地面搭高架线路勒拉12月15号侪转人工驾驶模式，减速运行，拉长发车间隔[17]。
调查结果 编辑
12月15号，北京市交通委员会中午发布初步调查进展，表示事故发生个辰光，因为落雪，雪天轨滑，导致前车（CP024）信号降级，紧急制动停车，而后车（CP032）因正勒拉下坡浪，刹弗牢，故咾亲前车屁股[2]。具体事故原因正勒拉调查。
另外一份报告浪，写个理由更加详细。CP024（前车）前头伊部车CP059因为落雪勒拉轨道浪打滑，导致信号降级，让CP024（前车）勒拉信号机前等待信号放行。而箇個辰光，CP032（后车）勒拉ATP防护下头人工开出西二旗站，速度92km/h个辰光畀信号紧急刹车，但因为落雪，刹车距离变长，CP032刹弗牢，亲咾CP024个屁股[18]。
2024年2月5号，北京市应急管理局公布箇趟事故个调查报告[19]，表示事体个原因包括落雪导致列车个制动距离延长，北京市地铁运营有限公司勒拉北京地区挂暴雪橙色预警个辰光应对措施弗到位，地铁昌平线值班个行车调度员处置弗当，032车个司机操作弗当，排除脱人为故意、线路设计弗符合标准、车辆故障、供电故障、信号设备故障、列车运行违规等因素[19]。
相关事故 编辑
参考文献 编辑
- ↑ 昌平线列车最后两节与前车在西二旗至生命科学园区段发生分离情况，有乘客受伤. 北京地铁 (2023-12-14). 访问日脚2023-12-14.
- ↑ 2.0 2.1 2.2 孙宏阳 (2023-12-15). "地铁昌平线事故515人送医，事故原因初步调查结果公布". 北京日报客户端. Retrieved 2023-12-15.
- ↑ 北京地铁故障当事人回忆：有孕妇被压骨折.
- ↑ 郑子愚、冯蕊、陈书灵、师梦娇、沃佳、谢瑞瑞 (2023-12-15). 昌平线一夜.
- ↑ "北京地铁：初步了解昌平线为车辆故障，工作人员正组织紧急救援和疏散". 央视网. 2023-12-14. Retrieved 2023-12-14.
- ↑ "北京地铁：北京地铁昌平线突发故障？最新回应". 绍兴网. 2023-12-14. Retrieved 2023-12-14.
- ↑ 昌平线列车最后两节与前车在西二旗至生命科学园区段发生分离情况，有乘客受伤. 北京地铁 (2023-12-14). 访问日脚2023-12-14.
- ↑ 8.0 8.1 尹力在检查强降雪和寒潮天气防范应对工作时强调，全力以赴保障市民群众安全和城市运行安全. 北京日报 (2023-12-15).
- ↑ 北京地铁追尾多人受伤，应急处理不可脱节.
- ↑ "北京地铁昌平线列车车厢脱离：30余人受伤 无人员死亡". 北京交通微博. 2023-12-14. Retrieved 2023-12-14.
- ↑ 地铁昌平线西二旗站-生命科学园站上行区段一列车车厢脱离. 北京交通 (2023-12-14). 访问日脚2023-12-15.
- ↑ 地铁昌平线西二旗站至生命科学园站区间列车事故处置情况续报. 北京交通 (2023-12-14). 访问日脚2023-12-15.
- ↑ 各位乘客，针对今晚昌平线事故，我们深表歉意. 北京地铁 (2023-12-14). 访问日脚2023-12-15.
- ↑ 目前昌平线朱辛庄站至昌平西山口站区段、 西土城站至学知园站区段维持运营. 北京地铁 (2023-12-14). 访问日脚2023-12-14.
- ↑ 12月15日昌平线采取朱辛庄站至昌平西山口站、西二旗站至西土城站分段运营. 北京地铁 (2023-12-15).
- ↑ 自2023年12月16日首班车起，昌平线全线恢复正常运营。. 北京地铁 (2023-12-15).
- ↑ 李博 (2023-12-15). "北京地铁昌平线今日分段运营，地铁站外开通摆渡专线". 北京日报客户端. Retrieved 2023-12-16.
- ↑ 北京地铁事故公布初步原因：雪天导致列车追尾 共515人送医院检查 (zh-CN).
- ↑ 19.0 19.1 北京地铁昌平线“12·14”列车追尾事故调查报告. 北京市应急管理局 (2024-02-05). 访问日脚2024-02-05.