2024年河北三河燃气爆炸事故
2024年3月13号上半天7点54分，中华人民共和国河北省廊坊市三河市燕郊镇小张各庄学院街一幢建筑物燃气爆炸，爆炸个原因是燃气管道漏哉。事故造成7人死脱、27人受伤[1][2]。
背景 编辑
2022年5月份，三河市燕郊镇行宫东街道二三小区一幢房子发生过燃气爆燃，2人受伤，部分门窗畀伊震坏脱。一個号头以后，燕郊福成尚街底部商铺貤发生液化气钢瓶爆炸个事体，22人受伤，2人故脱，故咾三河市经常性做全市范围个燃气安全大排查，上一趟还是2月21号。[3]
事发个楼是一栋五层个房子，一楼是饭店、鲜花店咾啥，三楼是招待所，顶楼是加出来个[3]。另外，爆炸地附近个小张庄村委会有只北京地铁平谷线（22号线）通风口工程个施工场许[4]。
过程 编辑
3月13号上半天7点54分，小张各庄学院大街迎宾路十字路口[5]底楼发生爆炸，爆炸声咾闷个，也飘出浓烟唻。到仔上半天9点左右，箇個地方第二趟爆炸，地底下头闪出火光，冒出更多个烟。爆炸威力邪气大，附近房子玻璃畀伊震碎脱，停拉个车子震伤脱。事发以后，箇栋五层楼个房子坍脱[3]。亦有路人勒拉逃生个辰光畀砖块咾啥个敲中头[6]。
弗少人认为是箇家炸鸡店个燃气爆炸引发个，结果店里向工作人员表示伊拉弗生煤气炉个，用个侪是电；事故发生个辰光，伊拉员工还呒没来上班。[7]事故调查组专家组组长刘福来介绍，箇趟爆炸是因为输送燃气个管道漏哉[8]。
参考 编辑
- ↑ 河北三河市燕郊镇燃爆事故造成7人死亡27人受伤 (2024-03-14).
- ↑ 燕郊爆炸事故已造成7人死亡、27人受伤 (2024-03-14).
- ↑ 3.0 3.1 3.2 河北三河大爆炸 當地3年發生3宗同類事故 上月為安全生產整治月 (2024-03-13). 访问日脚2024-03-13.
- ↑ 河北燕郊爆炸7死27傷 附近居民懷疑地鐵施工致燃氣洩漏引發事故 (2024-03-14). 访问日脚2024-03-14.
- ↑ 廊坊消防：小张各庄一临街商铺爆炸起火，火势得到有效控制 (2024-03-13). 访问日脚2024-03-13.
- ↑ 河北燕郊商铺爆炸增至7死27伤 (zh) (2024-03-13).
- ↑ 燕郊爆炸地附近炸鸡店发声 (2024-03-13). 访问日脚2024-03-14.
- ↑ 事故调查组专家组组长：燕郊爆炸系输送中的管道泄漏导致 (2024-03-14). 访问日脚2024-03-14.