Ad-hoc On-demand Distance Vector
（从AODV转戳到箇里）
Ad-hoc On-demand Distance Vector (AODV)是一种勒自组网里向用于移动网点个路由协议，按英文字面个意思是自组网 按需 距离 向量(上海话：[zɿ][ʦu][mɑ̃] [ø][ɕy] [ʥy][li] [ɕiã][liã])，目前还是一种实验性质个协议。勒拉自组网里向，弗存在一只中心网点进行路由管理，所有个网点侪是平等个，每只网点侪要担负路由器个职能。AODV协议采用一种反应式路由机制，也就是讲，只有当网络中个网点需要发送数据个辰光再去建立一条路由，弗然，各个网点弗会主动生成并且维护一条呒没数据传输个路由[1][2]。至于寻找路径个算法方面，AODV协议用距离向量来估算路径个长短。根据AODV协议发明者个论文，迭个协议可以用勒无线网络浪，也可以用勒有线网络浪。
基本算法
编辑路由个寻获
编辑当一只网点需要朝另外一只未知网点发送数据个辰光，所有贴隔壁个网点迭个网点会得朝伊拉广播一只路由请求(RREQ)包。收到RREQ包个网点，如果弗晓得跑到目标网点个路径呢，就会得拿搿只请求包转发（继续广播）畀伊自家个隔壁邻舍（必过，要是搿只请求包是搿个网点老底子发出去个说话，个么伊是弗会得畀转发个，迭能可以避免环路）。转发脱以后呢，请求包是从啥地方转过来个信息仍旧存勒网点里，要过仔一歇再厾脱。搿恁介一个过程重复进行下去，直到碰着一只网点晓得去目标网点个路径，或者伊自家就是目标[3]。乃么搿个辰光呢，会得从此地朝原来请求包发过来个方向回送一只路由应答(RREP)包。同样个，收到搿恁一只应答包个节点还会朝伊上头个方向继续发应答包，各么最后搿眼应答包就会勒起点搭仔终点之间建立一条路由出来。
路由个管理
编辑协议消息包类型
编辑路由请求(RREQ)
编辑路由应答(RREP)
编辑路由错误(RERR)
编辑路由应答确认(RREP-ACK)
编辑邻舍探访(Hello)
编辑评价
编辑好处
编辑- 算法简单，实现起来便当。
- 呒没环路。
- 路由个管理维护开销少，用勒管理上头个数据包少
- 省电
- 可支持个网点数比较多
坏处
编辑- 勒拉节点一开始发起路由请求个辰光，会产生大量广播式请求包，迭个过程比较慢，网络个流量负载也比较大。