维基百科

Debian自由软件指导方针

Debian自由软件指导方针（英文：Debian Free Software Guidelines，简称DFSG）是Debian项目用来判断自由软件许可证个指导方针，以决定某软件阿好包含勒Debian里向。它是Debian社群契约（Debian Social Contract）个一部分。

指导方针

编辑
  1. 自由个再发行。
  2. 包含源代码。
  3. 允许修改搭衍生作品。
  4. 许可证可要求保持作者源代码个完整性。（作为妥协）
  5. 禁止歧视人士或者组织。
  6. 禁止歧视用途。譬如弗可以禁止商业用途。
  7. 权利必须适用于程序再发行个所有受众。
  8. 许可证弗可以特定于Debian。
  9. 许可证个规定弗可以牵涉到其他软件。
  10. GPL、BSD许可证搭Artistic是自由许可证个例子。[1][2]

历史

编辑

1997年7月，Debian自由软件指导方针搭仔Debian社群契约第一届发布[1]。Ean Schuessler提出为发行版个许可政策提供一个正式保障个设想。指导方针个作者是布鲁斯·佩伦斯搭箇辰光其他一些Debian开发者。

过落段辰光，开放源码定义以DFSG为蓝本写成。DFSG个出现比自由软件基金会个自由软件定义要晏。来DFSG成为开放源码定义后，自由软件基金会创建人理查德·斯托曼觉着区分自由软件搭开源软件个必要，以之推广自由软件定义[3]。1986年，自由软件定义来第一个版本个GNU公告发布[4]。值得注意个是，自由软件定义个核心“四大自由”是来DFSG起草之前出现个，但必过DFSG个作者来箇辰光并弗晓得它个存在[5]。

1998年11月，伊恩·杰克逊（Ian Jackson）等人来1.4版本个草案里提出一些修改，但必过呒不应用到正式版里向。杰克逊表示指导方针个问题来勒“宽松个措辞”搭补丁条文方面[6]。

到2011年为止，指导方针呒不修改过，但必过社群契约做着一些修订，影响了由指导方针控制个发行版部分。

Debian个常规决议（General Resolution）2004-003修改了社群契约[7]。提案者Andrew Suffield说：

“规则是‘箇项决议只修改措辞，弗修改精神’。对社群契约措辞个大部分修改更好个反映着它个本意，修正了刚开始写个辰光朆考虑个问题。”[8]

但必过一句“我里承诺保持Debian GNU/Linux发行版是完​​全自由个软件”到“我里承诺Debian系统搭它个所有组件侪是自由个”个改变，让发布管理者Anthony Towns做出一个实质变化：

“因为弗再限于‘软件’，并且箇决定是开发者来讨论我里应该哪亨处理像文档搭固件等非软件内容个过程中做出个，我弗再拥护箇项政策决议以期好免除文档、固件等内容，尽管社会契约已经修订来涵盖所​​有伊些领域。”[9]

箇件事体催生着另一项常规决议2004-004[10]，其中开发者以压倒性票数决定推迟修改到下一个版本再应用（其开发来一年后个2005年6月开始）。

应用

编辑

软件

编辑

有关DFSG个大部分讨论来勒debian-legal邮件列表。来Debian开发人员第一届上传软件包个辰光，ftpmaster团队会检查软件许可证以确定它阿符合社群契约。来有困难个情况下底，团队会来debian-legal列表里商量。

非软件内容

编辑

DFSG着眼于软件，但“软件”本身个范围是弗确定个——有些人拿它应用到所有可以表示为比特流个物事，而少数认为它仅仅指计算机程序。此外，PostScript、可执行个脚本、源文档等等也弗好界定。因此为仔打破混乱，2004年6月Debian项目决定拿相同个准则明确应用于软件文档、多媒体数据搭其他内容。Debian里向个非程序内容从Debian 4.0（2007年4月发布）开始严格符合DFSG。

GNU自由文档许可证

编辑

由GNU计划、Linux文档计划等写个弗得了文档用GNU自由文档许可证授权，而其中包含个“弗变章节”弗符合DFSG。箇是长期讨论搭常规决议2006-001个最终结果[11]。

因为GNU自由文档许可证个“弗变章节”，用它授权个内容必须放勒“非自由”（non-free）包库里，弗作为Debian个一部分。

多媒体文件

编辑

有辰光蛮难界定啥个是多媒体文件个“源”，譬如朆压缩个图像文件阿是压缩图像个源，光线追踪前个三维模型阿是它生成个图像个源。

debian-legal测试

编辑

debian-legal邮件列表个订户创造着一些测试来检查许可证阿符合DFSG。常见个测试（见DFSG FAQ草案[12]）有下底几种：

  • 荒岛测试。想象一个登勒荒岛上个漂流者，佗有一台太阳能供电个电脑。此时完全弗可能满足佗公开修改软件或向特定个地方发送补丁个需求，就算佗可以接收但必过呒不办法发送邮件也是一样个。因此为仔自由，软件必须可以畀伊个罪过人个漂流者修改，佗还必须可以来岛上合法个搭别人家分享修改。
  • 持不同政见者测试。考虑一个登勒极权国家个持弗同政见者，佗想要搭另外一个持弗同政见者分享一个修改过个软件，但弗希望让政府晓得修改搭修改人个身份，甚至是佗囥有该程序个消息。任何向收件人以外个人发布源代码修改个行为会让佗变得危险。所以对Debian来说，自由软件弗可以有任何超额发布。
  • 邪恶触手测试。想象一个软件作者畀一家邪恶个大公司聘请，来公司个约束下底要做对用户最坏个事体：寻佗里个隐私，破坏佗里个生活，让佗里停止使用该程序，想尽办法追究佗里个法律责任等等。同样个事体可能发生勒一家畀大公司收购个公司，箇家大公司有意摧毁自由软件来维持它个垄断地位。因此为仔自由，许可证甚至弗可以让软件作者带走必需个自由。

另见

编辑

参考资料

编辑
  1. ↑ 1.0 1.1 布鲁斯·佩伦斯 (1997-07-04). Debian's "Social Contract" with the Free Software Community. debian-announce mailing list.
  2. ↑ Debian社群契约. Debian (2004-04-26).
  3. ↑ 理查德·斯托曼. Why "Open Source" misses the point of Free Software. GNU website.
  4. ↑ GNU's Bulletin, First Edition
  5. ↑ Bruce Perens: "when I had to write license guidelines for Debian, the Four Freedoms document was unknown."
  6. ↑ Ian Jackson: Draft new DFSG, debian-devel mailing list
  7. ↑ General Resolution: Editorial amendments to the social contract
  8. ↑ Andrew Suffield: Re: Candidate social contract amendments (part 1: editorial) (3rd draft), debian-vote mailing list
  9. ↑ Anthony Towns: Social Contract GR's effect on Sarge, debian-devel mailing list
  10. ↑ General Resolution: Sarge Release Schedule in view of GR 2004-003
  11. ↑ General Resolution: Why the GNU Free Documentation License is not suitable for Debian main
  12. ↑ The Debian Free Software FAQ

外部链接

编辑
取自“https://wuu.wikipedia.org/w/index.php?title=Debian自由软件指导方针&oldid=279441”