以色列

以色列（希伯來語：ישראל，英語：Israel）是亚洲西部国家，唯一嗰犹太国家，国语希伯来语，通英语。以色列是一个立在西亚个国家，具体位置是立在地中海东海岸个东南面，东面有死海。以色列替黎巴嫩立在国土个北面接壤。替叙利亚共和国立在东北面接壤。国内还有所谓个巴勒斯坦国。有名个埃及立在以色列个西南面，通过西奈半岛替以色列接壤。以色列个金融中心是特拉维夫。弗过，顶大个城市是有名个圣城耶路撒冷。

立在1947年11月廿九号，联合国安理会通过一项决议，让犹太人替阿拉伯人分别自家建立国家。并且，替伊拉划分边界。还拿耶路撒冷个地位国际化。弗过，阿拉伯人弗接受迭个决议。到1948年5月14号，英国人从巴勒斯坦地区撤走之后，爆发周边阿拉伯国家对犹太人个围攻，弗过，老快就输把犹太人哉。此战，也让犹太人真正建立以色列国。

之后，又先后爆发过四趟中东战争，胜利哥一方一直是以色列。所以，阿拉伯国家也接受迭个现实。只有老早立在巴勒斯坦地区各阿拉伯人还是老讨厌以色列。一直搞活动。到1990年代，以色列替阿拉法特领导个组织达成协议。弗过，到21世纪，哈马斯立在阿拉伯人当中兴起，双方又爆发冲突。

得名

从1948年独立后，迭个国家就用“以色列国”当做自家个国名，迭个词汇，是从老早宗教名词以色列地当中衍生出来个。一些流行个名号，比方讲：锡安，朱迪亚，侪弗被认可。立在独立之后开始个几个礼拜，以色列政府用israeli暂时替代以色列。

文化

以色列弗同个族群拥有丰富个文化遗产：从世界各个地头回到以色列个犹太人带回交关丰富个文化背景，让以色列成为一个典型个熔炉。以色列也是世界浪唯一一个遵循希伯来历个国家。全国个节假日根据犹太人个节日编排，同时，礼拜六是官方休息日。乃朝立在以色列境内个阿拉伯人，也有伊拉自家个文化传统。

语言

以色列乃朝有两种官方语言：希伯来语替阿拉伯语。希伯来语是官方办公替商务个主要语言。阿拉伯语主要是阿拉伯人使用。英语立在老早是英国当局立在巴勒斯坦推广个官方语言。1948年之后，地位畀希伯来语替代，弗过，还是有交关当地人会英文。犹太人个英文能力侪比较好，立在大学当中有相当个课程是用英文教学个。又因为有蛮多来自老早苏联个移民。所以，以色列个俄语人口也弗少，有一百多万。来自北非替法国个犹太人会法文，占人口个10%。

宗教

以色列立在一神教顶顶重要个圣地高头，所以，宗教文化氛围浓厚。