User:弗朗西斯-迭戈/草稿/三极管
三极管是一种有放大器功能个真空管，渠包括三隻电极，就是加热灯丝（阴极）、控制栅格搭金属平板（阳极），渠拉侪畀囥拉一隻真空个玻璃壳里向。 拉1906年，李·德富雷斯特发明仔Audion管。Audion管是一种部分真空管，渠驮一隻栅极加到热离子两極管高头。三极管就是拉Audion管个基础高头发展来个。三极管是第一种畀用拉实践当中个电子放大器，也是另外几种真空管个祖宗，比方讲四极管搭五极管。三极管个发明，使得无线电技术搭长途电话变得有可能哉。一直到1970年代前头，三极管畀交关多个应用拉收音机搭电视机箇种个消费电子产品当中，到后来畀晶体管代替为界。今朝，三极管主要还拉无线电发送器当中个高功率射频放大器搭工业里向个射频高温加热设备当中使用。
