User:Bloodmerchant/沙盒子
個是我個沙盒子.
These are machine Simplified-to-Traditional Translations. I'm in the process of checking them.
(吳語)
儂吳語講得來伐？吳語是漢語族裡向一種語言。吳語也是歷史交關悠久個一種言話。講吳語個人分布勒江蘇南部、浙江大部分，上海市全部，安徽南部搭福建、江西少部分地方，大約摸匝，通行吳語個縣市有110個上落，人口8000萬(2004年)光景，漢語族語言排名第二，世界語言排名第十。望大家幫幫忙，一淘編寫吳語百科全書，積累吳語區人文搭技術。
維基百科是一隻多種言話個、基於網絡個自由內容個百科全書式項目。維基百科個英文名字"Wikipedia"是"wiki"（一項技術用來建立好佐隊編寫個網站。“wiki”是夏威夷言話裡來個，“快”個意思。）搭仔"encyclopedia"（百科全書）拼檔拼起個。志願者好合作編寫維基百科，允許任何上網好上個人來編寫差弗多全部個文章。維基百科主服務器勒Tampa, 佛羅裡達，阿姆斯特丹搭首爾也有服務器勒篤。
維基百科乃歇是非盈利機構維基媒體基金會勒篤運作。渠是Larry Sanger搭Jimmy Wales創立個，前者2002年個辰光已經辭職哉。Wales實梗描述維基百科，“大家用自家個言話一道來用勁創造搭發布一隻多言話個、自由個、盡量高質量個百科全書畀該星球浪個每個人”。
特征
编辑
維基百科用一隻名字叫“維基”個軟件。允許訪問者添加、刪除再末編輯搭仔改變俚個內容。為之講一大道人來建立文章就可能哉﹔勒拉有新信息個辰光，俚篤還好再根據俚更新文章個內容。還有一方面，還包括實梗個意思，即對內容個惡意篡改搭仔弗同意見也是蠻普遍個。
搭交關別個百科全書兩樣，維基百科拿俚個內容儕勒GNU自由文檔許可証(GFDL)下底發布。
維基百科有一系列個政策來確定陸裡星信息好包含勒文章裡向。勒拉有爭議個辰光，譬如講特定個內容到底阿要添加、修改還是移動到姊妹項目去或者索腳刪脫。維基百科個核心政策之一就是寫文章要用所謂個中性觀點。簡言之，就是要拿一隻物事個有價值個方方面面儕寫出來，弗好偏袒任何一方，外加還要拿相應個証據拿出來支持俚篤。
維基百科也禁止發布自家個研究就是所謂的NOR(No Original Research)政策。該個政策個本意是防止有自家理論個人拿維基百科來為俚篤自家個理論吸引眼球。“自家個研究”包括編輯人個自家個個人觀點、政治觀點搭仔任何俚自家個對已經出版個材料超出原著者本意個過分個分析或者綜合。也就是講，維基百科發布個任何事實、觀點、解釋、定義搭仔論據板定要是已經出版發布個搭當前文章搭界個可靠材料浪個。
隻要滿足下底列表裡向個任何一條，該次編輯就好算作個是“自家個研究”：
- 俚介紹一隻理論或者解決方法﹔
- 俚介紹編者自家個個人觀點﹔
- 俚定義新名詞﹔
- 俚提供或者假設已經之前已經存在個名詞個新定義﹔
- 俚勒拉嘸撥引用權威源頭個情況下底，介紹一隻新個論點或者論據，來反對或者支持另外一個觀點、理論、論據或者立場﹔
- 俚介紹已經勒浪個事實、想法、觀點或者論據個分析或者綜合。而該個分析或者綜合又偏向編輯者自家個喜好，且嘸撥權威個來頭。
- 俚介紹一隻新詞匯，還嘸撥權威個來頭。
維基百科並弗是想拿相關條目建立成功所謂個客觀事實，實際浪是想對所有相關個觀點不偏不倚。
各樣個閑話版本
编辑閑話弗同個版本運作獨立，𣍐讓別樣閑話版本個內容限制牢，也弗要求主題相同個文章板定要別樣閑話版本翻譯來。自動翻譯個文章絕對無用，而精通多種言話個編寫人自己翻譯是鼓勵個。當然閑話弗同個版本儕要遵守全球一樣的政策，譬如“中性觀點”，雖然講勒拉政策個細部搭執行浪可能尺度兩樣。文章搭圖片，各閑話版本個維基百科是共享個：文章好通過維基間鏈接搭翻譯請求頁面共享﹔圖片也好通過維基共享資源庫存系統共享。
下底是超過100,1000篇文章個維基百科個前頭幾隻，數據截至2006年9月3號。