User:KirkLU/宁波图书馆

宁波图书馆,简称“甬图”,是一座勒拉宁波市公共图书馆,属于宁波市人民政府,归宁波市文化广电旅游局管理[1],是宁波市政府设立个事业单位[2]

宁波图书馆是文化和旅游部评定个国家一级图书馆[3]。图书馆前身是1927年9月开馆个宁波市市立图书馆,经过好几趟改制搭搬迁,现在运营有两座主要个馆舍。永丰馆(旧馆)勒拉宁波市海曙区永丰路135号,由包玉剛捐资修建,勒1989年5月1日开馆。新馆(福庆馆)勒拉鄞州区宁穿路2100号(宁波东部新城里向),由丹麦SHL建筑师事务所设计,勒2018年12月28日开馆。图书馆是宁波市公共图书馆服务体系个中心馆,除出藏有纸质搭电子图书期刊报纸以外,还有手札、书法、画册、照片、音乐搭影视资料等多种类型个馆藏。其中,馆方勒拉保存本地文物个工作中,建立了收藏甬籍著名人士个著述搭宁波地方报刊、地方志个宁波地方文献库,作为图书馆个特色馆藏。以上述馆藏为基础,图书馆开展了针对宁波搭周边地区文献资源个研究。截止2020年底,馆内藏有纸质图书310万册(其中古籍近8万册)、电子图书360余万种、电子期刊1.5万种。

历史 编辑

中华人民共和国建立前 编辑

光绪十年(1884年),洋务运动个领导者之一、宁绍兵备道薛福成勒拉道署个西头,以独秀山基础扩建了后乐园(箇地方现在是宁波中山公园[4]:61。薛福成修建后乐园,目的是为教育民众、启迪思想提供场所[5],并为文人学习提供空间,而后乐园里向就设有揽秀堂藏书楼[6]。光绪二十年(1894年),吴引荪继任宁绍兵备道道员,伊把揽秀堂藏书楼改称作崇实书院藏书楼,并通过购书搭捐赠个方式增加了藏书楼个藏书量[7]:1535。光绪三十一年(1905年),崇实书院改作宁波教育会。1913年,宁波府所属六县的公会勒拉后乐园建造了三座西式楼房,把薛福成、吴引荪搭后来各时期添置个书籍侪藏了里向,并把箇三座藏书楼命名“薛楼”。勒箇辰光,随着人们求知需求个增加,社会上头自发出现了四明学会图书馆、四明少年图书馆、宁波少年图书馆、青年会藏书室搭通俗图书馆等具备平等、开放性质个图书馆[8]

1926年,四明学会图书馆、宁波少年图书馆、通俗书报社三个团体勒后乐园召开联席会议,一道商议创建宁波公共图书馆个事体。1927年,国民革命军北伐胜利后勒拉宁波设市,5月,宁波市长罗惠侨决定把薛楼改成宁波市市立图书馆。宁波市市立图书馆勒拉9月正式开馆,张汝钊担任首任馆长;箇图书馆成为了宁波历史上头第一个真正意义上个公共图书馆,也成为了宁波图书馆个前身[8]。1931年宁波市建制畀撤销,宁波市立图书馆搭鄞县县立图书馆合并,图书馆更名为鄞县县立图书馆[9]:22[10]:2418。1932年,因为馆舍狭窄,勒宁波教育会搭宁波商会个协商之下,图书馆搭国货陈列馆交换场地,迁到府侧街(今朝个府桥街)[11],1937年抗日战争爆发后,图书馆又迁回了中山公园个原址[12]

中华人民共和国建立后 编辑

1949年5月25日中国人民解放军攻克宁波后,宁波市军事管制委员会成立。6月个辰光,军管会文教部接管了鄞县县立图书馆。接管辰光,馆内一共有得馆藏图书1.5万余册,大约有一半是古籍。藏书经过宁波市文教局个整理,可用个图书移交畀宁波市人民文化馆阅览室,古籍则移藏天一阁古物陈列所[13]。宁波市人民文化馆书报阅览室在这一时期继承了宁波公共图书馆的职能[10]

1953年,宁波市图书馆勒中山公园旧馆址重新成立,馆舍面积660平方米,有得藏书8946册。藏书里向一大部分是人民文化馆阅览室移交回来个前鄞县县立图书馆藏书。1962年9月9日,图书馆迁址到海曙区药行街桑园巷个前仁慈堂旧址(药行街119号)[12],迁址后馆舍面积扩大到1400平方米,设有采编室、外借处、古籍部、少年儿童阅览室、流通辅导组。截至文化大革命前头,图书馆共藏书159249册,箇里向有古籍约73000册[8]。文革开始后头,1969年10月,图书馆馆舍畀占为市文化系统“斗、批、改干校”,图书馆也就随之关脱。1970年2月21日,宁波市图书馆建制撤销并与宁波市文管会合并组成宁波市图书文物馆。文革结束以后,宁波市图书馆又勒1978年恢复了建制[13]

1988年11月宁波市图书馆迁入由旅港宁波籍人士、世界船王包玉剛捐资修建个永丰路新址,新址前头是姚江,馆舍面积8187平方米。永丰路新址勒拉1989年5月1日正式对外开放[14]:59。2001年宁波市政府投资对图书馆进行扩建装修,市馆舍总面积达到了目前的12000平方米[13]。当时辰光设有图书外借室、少儿借阅室、报刊阅览室、古籍地方文献阅览室、天一音乐馆、外文阅览室等十余个服务窗口搭采编部、辅导部、技术部、办公室等部门[15]。2013年,宁波市政府勒拉专题会议纪要中提出,要勒宁波东部新城为图书馆新建馆舍。新馆勒2018年11月竣工验收实现部分开放,并最终勒12月28日正式开馆[16]。图书馆借新馆投运个契机,也设计了新个图书馆标志[17],并由宁波市图书馆更名为宁波图书馆[18]。新馆舍投用后承担着宁波市公共图书馆服务体系中心馆个职能[19][20]

参考资料 编辑

  1. 宁波市文广新局. 宁波市文化广电新闻出版局机构职能. 宁波市文化信息中心. 原始文档勒2018-07-19存档. 访问日脚2018-07-19.
  2. 宁波市图书馆 (2015-06-05). 关于征求《宁波市图书馆章程》意见的公告. 宁波市图书馆. 访问日脚2019-01-01.
  3. 文化和旅游部公共文化司 (2018-05-14). 文化和旅游部办公厅关于公示第六次全国县级以上公共图书馆评估定级结果的公告. 文化和旅游部办公厅. 原始文档勒2018-07-19存档. 访问日脚2018-07-19.
  4. 陳群松(2014).宏謀報國一書生──薛福成評傳.香港:超媒體出版有限公司.ISBN 9789888307197 
  5. 孙武军 (2012-03-18). "宁波中山公园的百年沧桑". 宁波晚报: p. A07. Archived from the original on 2018-07-19. Retrieved 2018-07-18. 
  6. 朱一诺 (2019-10-10). "宁波图书馆:博览天下". 宁波晚报: p. A05. Retrieved 2020-04-06. 
  7. (2014-07)“第二十七编 文化”,宁波市海曙区志.浙江人民出版社.ISBN 978-7-213-06170-7 
  8. 8.0 8.1 8.2 华东杰. 从传统藏书楼向现代图书馆的转变——宁波公共图书馆创建和发展探微. 黑龙江史志. 2014, (13). 
  9. 宁波市地名委员会.“第一卷 概述”,宁波市地名志.宁波:中华书局. 
  10. 10.0 10.1 (1995)“第四十卷 文化 第五章 图书”,宁波市志.中华书局.ISBN 978-7-101-01507-2 
  11. 蔡彦. 从藏书楼向近代图书馆的嬗变——宁波、绍兴图书馆建立探微. 科技文献信息管理. 2007, (03). 
  12. 12.0 12.1 俞素梅 (2017-11-01). "宁波市图书馆从中山公园到药行街到永丰路". 宁波晚报: p. A09. Retrieved 2020-04-17. 
  13. 13.0 13.1 13.2 浙江省文化厅 (2015-07-08). 宁波市图书馆. 浙江省文化信息中心. 原始文档勒2015-07-18存档. 访问日脚2018-07-19.
  14. (2002)“第二卷 公共图书馆事业发展状况”,宁波图书馆志.宁波:宁波出版社.ISBN 978-7-80602-703-5 
  15. 引用出错:<ref>标签无效;未给name(名称)为Intro的ref(参考)提供文本
  16. 引用出错:<ref>标签无效;未给name(名称)为newlib-open的ref(参考)提供文本
  17. 宁波市图书馆 (2018-07-30). 宁波图书馆新LOGO公布. 宁波市图书馆. 访问日脚2018-09-07.
  18. 关于同意宁波市图书馆更名及调整机构编制事项的函(甬编办函〔2019〕69号). 中共宁波市委编制委员会办公室. 2019-08-12
  19. 宁波市图书馆. 宁波市图书馆新馆建设项目概况. 原始文档勒2016-03-05存档. 访问日脚2018-07-19.
  20. 18个项目年内基本建成,宁波市图书馆新馆项目12月试开馆. 宁波晚报 (2018-09-07). 原始文档勒2020-01-12存档. 访问日脚2018-10-25.