三岔港

三岔港是勒拉中华人民共和国上海市浦东新区高桥镇一隻摆渡口，也是伊周围一圈地方个名字，贴隔壁就是黄浦江。

历史

明清个辰光，箇埭陆续是嘉定县同宝山县管个。明天启年间，有人勒拉庙港口（乃朝高桥镇炮台浜村）设小浜口渡，貤叫赵公渡。清雍正十一年（1733年），黄浦江泥沙淤积，高桥地区个地向西延伸，小浜口渡部分设施搬去界浜，变成功界浜渡；另一部分向西北搬到草庵庙边浪，叫张家浜渡，亦叫草庵渡。宣统元年（1909年），张家浜渡再搬到其他地方去，叫便民庵。1912年，便民庵渡口向西搬到三岔港，就是今朝个三岔港摆渡口。

1949年上海战役个辰光，箇面是国军向东海跑路个重要节点，碉堡弗少。1954年，上海市轮渡公司接管三岔港摆渡口。2001年，當局重造新个三岔港摆渡口。