上海世博文化公园

上海世博文化公园勒拉中国上海市浦东新区，西北到黄浦江，东到卢浦大桥——长清北路一线，南到通耀路——龙滨路一线，用地面积约莫2平方公里，箇当中，北园占地85公顷，好分成功舞动广场、静谧森林、时光印记大道、世博花园、音乐之林、中心湖、后滩滨江、申园等景点，还勒拉公园里向堆仔座双子山。

1958年到1968年，整块地侪是上钢三厂个炼钢渣堆，到2010年上海世博会个辰光，厂拆脱。2017年9月22号，世博文化公园开始造，选择性保留仔2010年上海世博会4隻场馆进行改造。2021年12月31号，北园开园。2022年底，上海世博文化公园双子山项目完成表皮结构封顶。2024年9月20号，世博文化公园南区开园。