上海东方体育中心
上海东方体育中心，原来叫上海水上竞技中心，勒拉上海浦东新区前滩国际商务区轨道交通三线换乘枢纽东方体育中心站附近[1]，是一個主要是水上项目个综合性体育场馆，亦好进行体操、篮球、冰球、短道速滑等项目[2]）。
中心总建筑面积16.38万平方米，拢总包括一座1.5万人个主体育馆，5千人个游泳馆，5千人个室外跳水池搭2千個车位个停车场[3]，总投资17.82亿元人民币[1]。箇个体育中心是德国冯·格康，玛格及合伙人建筑师事务所设计个，还设计出一個连咾黄浦江个人工湖[4]。
箇个项目勒拉2008年12月30号动工，勒拉2010年12月28号竣工，造好后畀2011年世界游泳锦标赛服务[5][2]。后些来，东方体育中心还勒拉2012年搭2014年成为世界短道速滑锦标赛搭跳水世界杯个举办场地。
参考资料
编辑- ↑ 1.0 1.1 上海水上竞技中心环评公示. 原始文档勒2014-07-25存档. 访问日脚2021-02-11.
- ↑ 2.0 2.1 东方网：上海东方体育中心落成.
- ↑ 新华网：上海东方体育中心正式落成. 原始文档勒2014-07-25存档. 访问日脚2021-02-11.
- ↑ GMP公司的介绍. 原始文档勒2007-09-17存档. 访问日脚2021-02-11.
- ↑ 上海东方体育中心动工. 原始文档勒2012-07-14存档. 访问日脚2021-02-11.