上海市市东中学

上海市市东中学（上海市市东实验学校）是中華人民共和國上海市杨浦区霍山路520号一所公办完全中学，前身是公共租界工部局搭聂缉槼家族来勒1916年创办个聶中丞華童公學。箇块地本来是聶雲台个地。学堂刚开办个辰光用个是英国个学制，除开国文课侪用个是英文教材，1936年以後转成中英雙語教學。1937年淞沪会战爆發，学堂搬去上海英租界。1938年开始，学堂是完全中学。1941年改名叫緝槼中學，校名是从聶雲台个爷聶緝槼来个。同年，学堂搬回原来个地方。1942年，学堂出现头一位華人校长，之前个校长侪是英國人。1945年，上海市政府接管箇座学堂，改名上海市立緝槼中學。1951年改名上海市市東中學，现在伊个高中部是杨浦区实验性示范性高中（区重点）。知名校友有費達夫。

2004年2月25号，市东中学里向个缉槼中学教学楼成为杨浦区登记不可移动文物，也是上海市优秀历史建筑。2020年，缉槼中学教学楼开始改造，2022年完工，成为吕型伟书院。