杨浦区
杨浦区是上海18个城区之一，中心城区之一，勒市区个东北，西面是虹口区，北面是宝山区，东南是黄浦江。面积61个平方公里，人口108万（到2003年年底为止）。黄浦江支流杨树浦纵贯区境南北，故咾杨浦区叫箇個名字。杨浦区有交关老出名个大学，复旦大学，同济大学，上海财大，两军大等侪勒杨浦区。近一腔，区境北面个新五角场建成，南面东外滩老区改造开动，杨浦区发展势头邪好哉。
历史 编辑
杨浦区北部老早归太仓州管辖，上世纪三十年代，国民政府看重江湾，想打造新城搭租界对抗。为此搞了一个“大上海计划”，修了好几条大马路，也搞了一些有东方色彩个建筑。今日个杨浦还留有当时个市政府、博物馆、图书馆等遗迹。
杨浦区个南部老早是英美公共租界东区，后来被日本人占领。1942年，日本人拿上海所有个租界才还拨勒汪精卫政府。租界东区成立了榆林区搭仔杨树浦区，是市区20只区里向个两只。解放之后，榆林区搭杨树浦区合并，成立了杨浦区。之后个几十年里，杨浦区区境弗断调整、合并，变成了现在搿副样子。
