上海康桥足球基地

上海康桥足球基地，来勒中国上海浦东新区康桥镇，是一座足球运动搭训练基地，2001年造好个，由上海申花足球俱乐部跟康桥镇政府联合出资，总投资1.6亿元人民币，基地造好以後是申花俱乐部办公搭球员居住训练个地方。

设施

康桥基地占地面积300多亩，东西长800米，南北宽260米。伊个主场是有标准400米环形跑道个田径搭足球比赛场，看台好容纳3000名观众。此外还有10片足球训练草皮、五人制室内足球场、温水游泳池、桑拿房、网球场、篮球场咾啥个辅助体育设施搭三栋办公宿舍楼。

使用

除开常驻个上海申花以外，康桥基地经常性畀中国其它足球队用来當赛季前集训搭进行热身赛个场地。