上海磁浮交通科技馆来勒中国上海市浦东新区龙阳路2100号，磁浮線龙阳路站正下头，是一座展示磁悬浮技术搭上海磁悬浮列车发展历史个专业展馆。
上海磁浮交通科技馆个前身是上海磁浮科技展示厅，2007年8月16号经改造正式开馆，面积1250平方米。展馆分成五隻部分，分别是磁浮个诞生、上海磁浮线、磁浮探秘、磁浮优势、磁浮展望。展品有模型、零件咾啥个，还有弗少游客好亲身参与个互动项目[1][2]。
