上海自治運動
上海自治運動（Zaonhe Autonomy Movement）是指近代以來个謀求上海獲得地方自治个思潮及相關實施情況。勒20世紀前期个上海清末及民國時期，上海就有得實行地方自治个實踐。2006年後，上海復旦大學以及香港大學个部分學者也一再提出讓上海建立類似於香港个特別行政區个自治構想並引發關注。之後，因大量外來人口湧入上海導致本地居民个權益受損，上海市民發出希望上海實行地方自治搭“滬人治滬”个訴求，並多集中於保護本地人權益、母語交文化。
產生原因
编辑自1990年代以來，因大量外來人口無序湧入上海市，導致該地面臨諸多交關嚴峻个經濟搭社會問題，包括人口過多、犯罪率上升、城市資源超過承載極限、文化搭價值取向衝突、本地文化搭本土語言勢微，並由此導致本地居民與外來人口个對立、網路口水戰等等。
另外一方面，外來人口急速侵佔上海本地資源，陳良宇个離職致使上海市民對中共个所作所爲感到失望，俞正聲等弗熟悉並對上海嘸沒認同感个“空降”官員个政策錯誤使得市民弗滿，有關部門過分推普打壓上海本地母語也造成市民反感，以上種種，引發上海市民發出“滬人治滬”个呼聲。
上海人遭受中共中央个壓榨搭暴政
编辑財富掠奪
编辑中共奪取上海之初就通過社會主義改造、三反五反運動等運動從上海工商業者手中掠奪財富。之後，由於實行“全國一盤棋”个經濟政策，上海、天津、武漢等主要工商業城市成爲全國經濟提供了主要个支撐。其中上海一度拿7/8个地方收入繳存中央。
人才掠奪
编辑1949年以後，大量上海个人才以支援內地運動个名義畀強制移民到其它場許。
文化滅絕
编辑以推廣普通話名義到處禁止上海言話个使用，指講上海言話爲陋習，直接造成功上海言話瀕臨滅絕。
強制遷出
编辑勒毛政時期，大量上海人被迫背井離鄉。包括支援內地運動搭上山下鄉運動。直至2009年，仍舊有得人要求上海人離開上海騰地方畀外來殖民者。
人口滅絕
编辑70年代以後，中華人民共和國表面丄全國實行計劃生育，但因各地執行力度个原因，造成東部以上海爲主个嚴格執行搭以中西部地區較爲鬆散个執行力度，事實上造成之針對上海人个生育歧視。上海个生育率一直爲全國最低，僅0.7，就是每代人減少到三分之一左右。自1980年起，上海新生人口勒弗斷下降。交針對上海人个生育歧視政策相反，政府對於在滬个外來人口个計劃生育執行相對寬鬆，同在上海也搞生育弗平等。2015年上海出生个新生兒當中外來人口超過戶籍人口。政府甚至以上海有大量外來人口湧入爲由，更應該計劃生育脫上海人騰地方畀外地人。
外人湧入
编辑隨吇1993年以後，全國糧食計畫供應个結束以及上海浦東開發開放、舊區改造等多重因素，導致外來人口前往上海成逐漸增加个趨勢，尤其是2009年以後上海外來人口問題迅速增長，持平甚至超過上海人口。外來人口以初中及以下學歷个青壯年爲主，而上海自身人口結構明顯老齡化，尤其"一胎化"限制嚴格於外地人。
加之針對上海人个生育歧視，上海人勒上海成爲少數，勒80後个年輕人中外來人口明顯超過戶籍人口。
嘸沒自主權
编辑上海市民嘸沒地方選舉權。上海个地方一把手儕由中央任命，邪大比例來自外地，尤其安徽省，無法代表上海人利益。2008年第十一屆全國人大代表名單中所謂个64名上海代表中出生於上海个真上海人弗足1/4个16名。
名譽詆毀
编辑1949年之後，上海從民國時代个遠東第一大都市一落千丈，百廢待興，但承擔著中國約1/6稅收負擔个上海人卻遭到沒根據个妖魔化，《春晚》等影視作品極力抹黑上海人，造成牢大个詆毀效應。弗單迭能，甚至於連喉舌，也弗時會發佈詆毀攻擊上海人个評論性報導，並將上海人無中生有个描寫得弗堪入目，以此別有用心个詆毀上海人，並激起其他地區民眾對上海人个誤解搭仔反感。
歷史情況
编辑1905年，清政府勒當時上海市民个要求下頭，同意上海自治，並設立城廂內外總工程局，隨後，“拆城案”老快就畀提上議程，但依然遭到了阻力，尤其是當時兩江總督个極力反對，“拆城案”被迫擱置。
1909年初（光緒三十四年末），清政府頒佈《城鎮鄉地方自治章程》，上海城廂內外總工程局改組爲自治公所，上海地方自治正式取得吇法律地位。但還是受到著提督搭公地租戶个牽制。
辛亥革命後，李平書就任民政總長，自治公所改組爲市政廳。姚文枬等人上書民政總長李平書，再次要求拆城，以振興商業。迭趟提案得到李平書搭滬軍都督个支持。市政廳決定先從大東門、水關橋西南至救火聯合會一段个城牆拆脫，其餘次第動工，弗到一個號頭，三面城牆儕畀拆光。上海市政廳完成了政治化搭自主化蛻變。
1912年7月10日，江蘇省政府決定取消滬軍都督，以實現軍政統一。8月2日上海財政畀接管。8月31日李平書擔任个上海民政總長畀撤銷脫。上海地方自治陷入窘境。
二次革命失敗後，1913年7月28日，袁世凱任命鄭汝成爲上海鎮守使。8月6日，鄭汝成出任上海警備地域司令官，同一日，鄭汝成宣佈上海戒嚴。8月8日《戒嚴法》公佈，戒嚴令擔上海劃定爲警備地域。李平書被迫流亡日本，其他人員或避居東北，或悄然隱退，上海地方自治至此中斷。
1923年6月，上海總商會宣佈脫離曹錕治下个北京政府，實行自治，上海地方自治開始復興。
1927年4月12日四一二事件發生，上海地方自治運動宣告終結脫。
當代个探索方案
编辑上海特別行政區方案
编辑2006年11月，復旦大學教授張軍勒談及上海經濟个定位辰光，提出“讓上海成爲香港伊樣个特別行政區”。伊直言中國需要更加多个香港，讓上海借鑒香港个模式發展，走勒中國个前頭會得是明智个選擇。張軍還提出，上海可以複製香港个體制，並走出現有个行政管理模式。
上海擴容至長三角特區个方案
编辑2007年5月，復旦大學交香港大學共同完成吇一份名爲《長三角經濟區融合轉型研究》个報告，迭篇報告調查吇該地區16座經濟發展水準較高个城市，共採集吇兩千餘份樣本並進行分析，得到長三角經濟水準超過珠三角个結論。
據此，復旦交港大共六位起草報告个教授提議，要求擴大上海个行政範圍，建立長三角特區，並希望依託行政級別个提升以及自主權利个擴大，來進一步拉動經濟个持續增長，外加交關希望有關建立特區个建議搭研究成果畀有關部門採納並最終接受，上升到決策搭執行層面，最終成爲現實。
各方觀點
编辑上海市民
编辑2010年以後，大量外來人口湧入上海城市，外加外地人取代上海人勒政府體系中擔任要職，使得上海面對類似香港个問題，部分上海市民望著“港人治港”个高度自治待遇，同樣希望勒上海實現“滬人治滬”，而隨著近年來上海外來人口問題搭其他社會矛盾个加劇，尤其勒2012年，非上海戶籍人士占海特要求開放異地高考搭中考，並擅自勒大沽路100號上海市教委門前進行所謂“異地高考約辯”，致使上海市民希望保護本地居民利益个呼聲越來越高。
部分上海市民擔憂，部分外地空降到上海个官員對上海並嘸沒感情，單單拿上海作爲政治跳板，質疑伊拉是否能夠“當好上海个家”，越來越多个市民趨向于懷念陳良宇執政上海時期个政績，並認爲當前上海諸多社會矛盾就是因爲陳良宇畀權鬥牽連下臺引起个。
2024年6月12日，民眾勒中國駐舊金山總領事館前頭集會，部分抗議勒人群高舉滬獨个旗幟，高呼中國滾出香港、臺灣、上海、廣東等口號。有年轻人因為中共對上海个極端嚴厲疫情封控措施而徹底對中國失去希望，[1]勒集會高頭講道，勒COVID-19疫情封控期間，哪怕上海從來弗關心政治个人，同樣喫过中共畀个牌头。「阿拉除脱做中國（共）病毒測試以外，三個月頭弗準離開公寓。」伊講，上海曾經像香港一樣，享有獨立、自由、法治和公民權利，但是勒个中國接管以後，阿拉失去勒所有个一切。伊希望，有一天能擁有一個嘸沒中國个和平世界。上海人、香港人、廣東人跟其他族裔个人，可以自由而有尊嚴地生活，嘸沒恐懼或者被壓迫，可以選擇自己个未來。[2]
中共當局
编辑中華人民共和國國家發改委已作出回應稱，暫時嘸沒必要設立統一个特別行政區，並且明確表示弗贊同所謂“長三角全面超越珠三角”說法。