世纪汇广场

世纪汇广场（Century Link Tower），来勒中国上海市浦东新区竹园商贸区，是一隻大型商贸综合项目，集办公室、酒店、商场、公共交通系统、文化设施、社交场所于一体，是城市现代服务业集聚中心。商场部分来勒2018年6月15号试营运，同年12月8号正式开业。

世纪汇广场

发展概况

世纪汇广场由竹园商贸区2-3地块（北地块）搭仔竹园商贸区2-4地块（南地块）组成，总占地面积89,179平方米。地块范围东到福山路、南到潍坊路]]、西到东方路、北到张杨路，世纪大道来勒南北地块之间贯穿，4条轨道交通线路来勒地底下头汇集，设有世纪大道地铁站。发展项目由上海陆家嘴金融贸易区联合发展有限公司搭仔李嘉诚个和记黄埔地产有限公司联合投资发展，总投资约莫70亿（人民币，下同）以上。

北地块

位於北地块的百联世纪购物中心

北地块来勒世纪大道东北面、张杨路南面、福山路西面，是直角三角形个样子，占地面积37,898平方米，总建筑面积约163,400平方米。地上有15层个北楼、16层个南楼搭仔11到14层个Y形楼是办公楼，底楼是商业。沿张杨路有5层（局部6层）个百联世纪购物中心。地下有4层个地下商场搭仔停车场。

南地块

南地块来勒世纪大道西南面、潍坊路北面、东方路东面，是直角三角形个样子，占地面积51,281平方米，总建筑面积368,362平方米。地上有1栋39层个办公楼、1栋23层个酒店、局部5层个商业裙房，建筑面积226,889平方米；地下有5层个地下商场搭仔停车场。

历史

2006年个世纪汇广场（世纪大都会）南地块工地

2005年2月25号，竹园商贸区2-3地块搭2-4地块公开竞标，吸引港资和记黄埔、新鸿基地产、华润集团、太古地产、嘉里建设，中资百联集团搭仔一家印度尼西亚公司一拢总7家地产发展商参与竞标，當年11月20号和记黄埔用45.6亿元人民币获得地块使用权，成交地价创下商业楼面每平方米12,000元个高价。同年12月19号，上海陆家嘴金融贸易区联合发展有限公司跟和记黄埔地产有限公司举行签约仪式，联合投资发展世纪大都会，前者会得投资20亿元、和记黄埔投资50亿元。

2016年10月26号，長江實業地產跟李嘉诚基金会公告，用200億块人民币拿手里向項目个全部权益抛脱。