东海气油田问题

东海油气田问题指中国(主要勒勒吴越地区东面海里向)搭日本争论东海油气田个开发权。

中日专属经济区海争议场化（斜线）

争端起因

东海最宽个场化就得360海里，葛老中国日本个专属经济区落仔一淘。根据1982年“联合国海洋法公约”，假是话两面大家话有200海里专属经济区，葛么会得有重叠个场化，这伊要通过相关国家谈判解决。日本硬要话中国日本专属经济区要照“中间线原则”，勒中日大陆海岸当中划分。但是中国要话照大陆架自然延伸原则：东海大陆架是中国大陆水低下个自然延伸，葛么冲绳海槽纔是中日专属经济区个分界线。

因为搿个争议个场化有交关石油、天然气资源，中国搭日本双方侪向仔能源去个，葛老有冲突。

中日政府有过几趟谈判，讨论东海资源属于啥人，归哪方开采，但是双方未达成满意的解决方案。除开划分领海界线问题上有分歧，中国2003年开始开发个靠近中间线中方一间个春晓气油田落成个消息让日本政府更加急哉。中国外交部还好几趟表示，中国有关气田包括春晓气田个开发完全是勒中国近海，搭日本呒争议个，是行使自己主权权利个正常活动。对中国日本勒东海划分问题浪个分歧，中国方面一例主张双方通过外交谈判来解决。

历史

日本发放开采权

2005年7月14号，日本经济产业大臣中川昭一，正式宣布批准帝国石油公司勒东海个中国专属经济区试开采石油、天然气，试验开采区来勒中国“春晓油气田”搭“断桥油气田”南面三个矿区。中川昭一强调，假使中国弗马浪停下来勒“中日中间线”中方一侧个开采，日本就应该尽快批准企业试开采，否则“中日中间线”东面个石油天然气资源就会得拨中国“春晓”搭“断桥”两个油气田通过“吸管原理”吸来跑脱。他还话，中国方面提出个联合开发建议只弗过是勒争取时间。

日本媒体讲，中国方面“春晓”、“断桥”油气田2005年10月份开始生产，日本经济产业省有关方面急唻交关，希望通过拨企业试开采权，表明日本保护资源个决心，来牵制中国开采油气资源。有人算过，钻一口试开采油气井大约匝要20亿—40亿日元，为仔保证试开采顺利进行，日本政府要帮相关企业提供必要经费。但是日本部分专家学者认为，从拨企业试开采权到实际试开采还有一定距离。日本企业一旦真个试开采，中国方面肯定会得强烈反对，接下去自家跌进去。增加协调沟通，以和平方式解决争端再是上策。帝国公司负责人对外宣布：“搿个批准允许公司勒东海三个总面积为400平方公里场化勘探油田。”但是该公司也有顾虑。伊表示：“开采石油现在或者以后，勒行动之前，先要问（日本）政府海浪个安全问题。”

7月15号，中国外交部亚洲司司长崔天凯约会日本驻华使馆公使渥美千寻，表示日方拨仔帝国石油公司勒东海争议海区试开采权是对中国主权权益个严重个挑衅搭侵犯，也违反联合国海洋法公约有关规定。中方对此表示强烈抗议。

中日一道开发

日本共同社2008年6月16号报道，5月份中国国家主席胡锦涛访问日本辰光，搭日本首相福田康夫话好暂时弗讲领土争端，联合开发东海气田6月18号，中国外交部发言人姜瑜正式证实搿个消息：中国日本勒东海气田问题浪达成一致，依据中国法律联合开发春晓气油田。

後續發展

2010年9月7号上半天，一艘中国渔船来勒钓鱼岛海域畀两艘日本巡逻船撞，还以妨碍公务捉脱箇艘渔船个船长，因之推迟本来定勒9月中旬举行个第二次东海问题原则共识政府间谈判。

2010年9月26号，海上自卫队表示春晓汽油田来仔10艘中国海洋调查船，伊拉呒没进日本专属经济区(EEZ)海域，必过海上自卫队畀介许多船同时集结吓着，拉出交关巡逻舰艇去监视。共同開發个讲法也就呒没啥後續哉。

2015年，日本方面发布隻《防卫白皮书》，里向要求中國停止開發東海油氣田，还准备开双边会谈要求中国停止开发。

气田个名字

日本经济产业省帮东海三个天然气田起仔日本名字，春晓气田么，叫“白桦”，断桥气田搭冷泉气田么，叫“楠”搭“桔梗”。

日本经济产业相中川昭一2005年9月27号透露，中国勒勒开发个东海“天外天”油气田，日本叫伊“樫”（橡树）。

内部连接

吴越主题页面

• 春晓气油田

外部链接

• 石原提议在东海建电站與中国东海采油相抗衡
• 图说中日东海石油之争（中方观点） 档案，存勒互联网档案馆当中。（2006年3月26号）
• 外交部就日方侵犯中国东海主权权益提出抗议 新华网