二条城
元离宫二条城(假名：もとりきゅうにじょうじょう）是一座立在日本畿内山城国（现代日本行政区中个近畿地方京都府京都市中京区）个和城。迭个城堡顶早辰光是镰仓幕府六波罗探题个大本营，后势来成为室町幕府个将军驻地。到江户幕府之后，转变成德川氏监督天皇个城堡。德川家康到德川家光个三代人，侪亲自到此地来居住过，一来朝拜天皇，增加自家个威望，二来显示将军压过天皇个权威。之后一百多年，因为天下太平，此地朆有另外将军居住。一直到幕末辰光，成为幕府搭朝廷角力个焦点。1862年德川家茂上洛辰光居住此地，拿本身颓废个宫殿全面修复；1865年，德川家茂第二趟上洛，立在此地决定对长州藩讨伐。1867年10月，末代德川幕府个将军德川庆喜立在二条城宣布大政奉还，拿幕府个权力转交把朝廷。之后，二条城成为日本天皇个财产，后势来对公众开放，并因为独特个文化搭建筑意义，位列日本国宝搭世界文化财。
