二简字
二简字，是中国文字改革委员会来勒1950年代提出《汉字简化方案》以後，来勒1977年12月20号提出个《第二次汉字简化方案（草案）》里向个简化汉字。二简方案分成两张表：第一张表收录248個简化字，推出以後直接实行；第二张表收录605個简化字，推出以後只讨论过，没直接实行过。方案推出以後争议邪气大，阿末来勒1986年6月24号废除脱哉。[1]
一般认为迭隻方案拿一些弗应该简化个字简化哉，字形简化过头，甚至失去汉字本生个结构意义，社会丄使用“二简字”交关混乱。学者普遍认为，跟第一次简化个汉字比，二简草案大多采取一隻行业、一隻地方个新简化字，並呒没约定俗成，造成广大人民弗接受二简字个事实。而且扫盲运动以後，中国大陆个文盲急剧减少，让“汉字阻碍扫盲”个讲法失去理据。二简字推出以後，强迫大家重新学习汉字，重复劳动做无用功，还弗方便辨认。故咾中华人民共和国国务院认为“二简字”弗成功，废止迭隻方案，指出“今后对汉字的改革要持谨慎态度”。後些来，根据社会丄个用字情况，恢復少数畀淘汰个异体字。
影响
编辑
由于1970年代中华人民共和国政府对“二简字”发布搭宣传个力度较强，而且媒体、报刊甚至小学课本上侪开始用“二简字”；外加“二简字”笔画少，写起来便当，方便流行，来勒社会上蛮广泛个。必过，因为“二简字”简化过头哉，增加辨认难度，而且弗少经历过繁體字、一簡字、二簡字个人写个字“繁弗繁，簡弗簡”[2]。
《中华人民共和国国家通用语言文字法》个颁布，从法律丄禁止错别字、异体字、二简字搭繁体字个应用。因为“二简字”曾经是隻规范，外加便当易写，伊有个辰光会得出现勒非公开个需要快速写个物事上，比方讲笔记、病历，市场、商场甚至路牌也有二简字，比方讲“鸡旦”（“鸡蛋”）、“仃车”（“停车”）、“早歺”（“早餐”）咾啥个。
部分大陆人移居香港个辰光二简字还呒没废除脱，伊拉跟大陆通讯个辰光用个还是二简字，受到“二简字”个影响，会得拿“副经理”弗當新简化成“付经理”（“傅经理”个“傅”姓亦会得写成“付”，见二简字草案第二表）”。
沿用个二简字
编辑炖
编辑
呒没畀《简化字总表》承认个，出现勒二简字方案里向个“炖”字来勒1988年畀收录进《现代汉语通用字表》里向哉，事实丄取得通用汉字个地位。2013年推出个《通用规范汉字表》里向，只收录“炖”字（〈二级字表〉，编号4005），没“燉”字，来勒附件1〈规范字与繁体字、异体字对照表〉里向也呒没“炖”“燉”箇对字，弗认为“燉”是“炖”个繁体字。
实际丄，“炖”“燉”两個字关系复杂，意思一样，读音基本相同，何里個字先出，何里個字后出，没人讲得清爽。
姓氏
编辑“萧”写成“肖”，虽然老百姓偶尔会得拿“萧”写成“肖”，但两隻姓是弗一样个。二简字拿“萧”简化成“肖”，连“萧邦”也要改叫“肖邦”，拿人家姓也改脱。同样畀简化个姓还有“阎姓”变“闫姓”、“蓝姓”变“兰姓”、“傅姓”变“付姓”、“戴姓”变“代”、“詹”变“占”咾啥个。因为現在改姓邪气麻煩，除开更改個人个资料，还有拿用老个名字登记个财产公证，劳民伤财，弗少人呒没去改转來，导致同时出现“阎”帮“闫”，“蓝”帮“兰”迭种样子[3]。
箇以後，大陆弗少文献當中，一些姓氏几乎弗分，比方讲中国人民解放军海军大将萧劲光来勒二简字出来以後变成肖劲光，现在弗少很多文章、出版品、电视节目侪分弗清爽，甚至一篇文章里向同时出现萧劲光搭肖劲光两种写法。[4]
其他常用个弗算错字个二简字
编辑“橘子”个“橘”有个辰光会得写成“桔”，箇种写法清朝就已经出现哉，二简字拿“橘”併进“桔”里向，废除脱二简字以後还是有迭能写个。
参考
编辑- ↑ 國務院批轉國家語言文字工作委員會關於廢止《第二次漢字簡化方案（草案）》和糾正社會用字混亂現象請示的通知. 國務院公報. 1986年, (18): 頁563–565 [2015-06-04]. （原始内容存档于2015-05-07）.
- ↑ "叫停“汉字规范表”是对汉字的最好规范". 中国吉林网. 2009-08-27. Archived from the original on 2014-09-05. Retrieved 2012-12-08.
- ↑ 王寧. 〈二十世纪汉字问题的争论与跨世纪的汉字研究〉. 《中国社会科学》 (北京市: 中国社会科学杂志社). 1997, 1 （中文（简体））.
- ↑ 咬文嚼字：我姓萧，不姓肖. 金羊网 (2005-03-10). 访问日脚2010年5月16日.
