五代十国
五代十國（吳拼：Ng-Dai--Zhik-Kuek，廣義上向是897年-979年，狹義丄是907年－979年），是唐朝晏期开始，一直到宋朝滅脱北汉當中个歷史階段。昰隻階段一般畀分成五代（907年－960年）搭十国（897年－979年）。五代十國是唐帝國藩镇割据搭唐朝晏期農民戰爭後勢力分配个結果。唐朝畀滅脫之後，各地个藩镇大部分全擔自家當國王。在華北地區，有頂大軍事實力个藩鎮國家獲得別个國家个認可，箇個便是所谓个“五代”。點國家裏向，交關是沙陀族創立个。茲五隻大國雖然實力大險，但弗過自家内部也有交關矛盾，無能力征服別个藩鎮，蓋咾用藩鎮型个辦法做妥協。南方搭北方别个藩镇，一眼自立爲帝，一眼奉五代當渠場个宗主国，在当中，有十个国家存在个年数比较长，擔渠場叫做十国。昰段辰光，常莊有叛亂上位个事幹，茲也讓中原一直有戰爭，北方个統治者多重武輕文。弗过，南方个經濟發展快險。[1]
历史
编辑五代个序幕
编辑五代十国个历史，是从朱温擔唐昭宗杀脱，又废脱唐朝个末代皇帝之后，开始个。弗过在昰个阶段之前，唐帝国就已经在黄巢个打击下，名存实亡。在唐昭宗在位个辰光，天下大致强大个土豪搭地头有十几个，在中原地区比较闹猛个，就有朱温、秦宗权、河朔三镇、李克用等，此外，陇西个李茂贞搭幽州个刘仁恭也拥有一定个势力。朱温在904年擔唐昭宗从李茂贞手里向抢出来，随后擔长安城拆脱，强迫唐帝国迁都到洛阳，之后想效仿曹操，扫灭帝国其餘个藩镇势力。弗过，在清河之战当中，畀江淮軍閥杨行密打败，又输畀河東个沙陀人酋長李克用，所以，渠个梁国，拥有个土地，只有中原加上河北个一些地区，并弗是一个全帝国政权。弗过，朱温还是迫不及待，取代唐帝国，在907年正式称帝。
军阀混战搭南方个安定
编辑朱温称帝个辰光，黄河北面交关地面全弗是渠个，此外，南方个吴国、前蜀也弗承认渠个统治。渠仰仗河南地区经济水平个恢复，发动交关趟讨伐河东个战争，弗过，全無何成果，相反，李克用个兒子李存勖越来越闹猛，擔幽州地面个势力削平，还擔契丹打跑脱。显示出老大个野心。朱温擔渠么办法，在自家个生活浪寻花头，搭自家个儿媳发生关系。终于，让自家个儿子发动篡位，朱温畀杀脱，之后，梁末帝摆平其余势力，成为梁朝最后一个皇帝。之后，梁国搭河东个晋国在夹河地区对峙七八年，反复交关趟，老百姓遭殃。最后，到923年，李存勖灭脱后梁，到中原即位，建立后唐个统治。 搭中原个形式相反，在南面，大部分国家全采取休养生息个做法，吴搭吴越在胶着之后，也在919年举行无锡和谈，结束敌对历史。弗过即便有战争个辰光，江南大部分地区也是和平稳定个。经济全得到快速恢复，一些老早弗是老发达个地区，比方讲：湖南、江西、福建。也得到迅速开发，湖南个马楚国重视商业，迅速致富。福建个闽国重视海外贸易，让泉州港更加繁荣。南汉也对海外贸易有大发展。巴蜀地区个王建，常年息兵，并且招揽中原地区个士大夫来蜀国避难，让蜀地个文化空前繁荣。可以讲，五代个前期，南方各个国家个经济全快速恢复，呈现出欣欣向荣个面貌，搭兵荒马乱个北面完全两样。
后唐个称霸搭政权更迭
编辑后唐建立之后，在政治浪自称是唐王朝个继承人，渠場个军队，保持沙陀人个特点，战斗力比较彪悍。中原地区别个军阀，比方讲老早自称岐王个李茂贞，全向后唐称臣。后唐擔北方所有个地方全占领。还想武力吞并南方，到李存勖派大军攻击前蜀，三个月就擔此国灭脱。设置节度使，直接统治。又派信任个将军高季兴到南面个南平，擔任荆南节度使。南面交关国家，全向后唐称臣。李存勖自家邪气得意，每天全搭一帮伶人一道玩乐。有空还欢喜自家演戏，渠对待手下个大臣弗信任。最后演变成政变，自家死脱，唐明宗即位。个辰光，南方几个国家全保持稳定发展，经济实力开始完全超过北方。后唐在唐明宗个辰光保持短期稳定，弗过，到唐末帝登基后，因为中央搭藩镇个矛盾重新尖锐，最后，让镇守勒北方边境个几个节度使先后叛乱，这些节度使已经没有老早河朔三镇个战斗力，全是仰仗新兴个北方民族契丹个实力南侵。沙陀人石敬瑭对待契丹顶顶忠心，自家认辽国国主为爸爸。又承诺割让幽云十六州，所以，辽国帮助渠南下夺取皇位。后唐打弗过渠場，昰个辰光，在巴蜀地区个后唐将领先后自立，孟知祥获得胜利，建立后蜀。后唐终究畀契丹搭石敬瑭个联军灭脱，之后，石敬瑭在契丹人个支持下头，登基称帝，建立后晋。
势力变更搭后周崛起
编辑后晋擔幽云十六州割让畀契丹之后，北方个边界没险要好守卫。在石敬瑭个辰光，中原就有交关节度使并弗服从渠个统治，石敬瑭为保持平衡，也尽量满足渠場个要求，这让中央政府个权威更加推板。石敬瑭死脱之后，继承人呒秉承渠讨好契丹个政策，反过来擔契丹当做敌人。这让契丹人弗开心，最后，辽国人南下，擔后晋灭脱。弗过，契丹人弗好适应中原个统治，各地个藩镇也保有邪气大个战斗力，让契丹人弗好一歇就征服。所以，到一年之后，渠場就只好归去哉。个辰光，老早石敬瑭手下个大将刘知远趁机夺取权力，自称皇帝，建立[[后汉]。个辰光，中原王朝因为北方个压力，無何心向关注南面个情况，南方个国家，也发生一些兼并活动。主要是南唐想成為南朝，先后利用動蕩機會，擔邻近个闽国搭马楚灭脱，弗过，南唐个统治方法存在问题，湖南搭闽南之后又有新个政权诞生，分别是占领马楚老早疆域个武平节度使搭占据闽南三府个清源军节度使。两个地方基本保持老早个自立状态，南唐反过来，因为用兵失败，元气伤害蛮严重。在攻灭闽国个过程当中，吴越为保持自家个势力，出兵占领福州。后汉对渠場个做法呒多少干预，刘知远即位没多少辰光，渠个太子就猝死。之后，渠也伤心过度，当年死脱。之后即位个汉隐帝弗会统治，杀伐功臣，让大将郭威造反，上演黄袍加身，夺取皇位。建立后周，刘知远个阿弟在河东地区自立，依然打汉个国号，历史浪擔昰个残余政权叫做后汉，也当成十国之一。
南北局面明朗搭趙匡胤上位
编辑郭威建立自家个政權之後，先後擔蠻多藩鎮勢力削平，又信任自家个養子柴榮。廢脫老早一些苛政，吸引老百姓回流。弗過，就一兩年渠就死脫，柴榮即位，昰个人按照內亞標準是典型明君，戰爭能力邪氣強，同時又有水平吸納文人，壓迫武人，同時對佛教邪氣推板。955年，發動第三趟滅佛運動，查封蠻多佛廟，擔收繳个鈔票當做對其餘國家用兵个資本。955年，渠擊潰后蜀，佔領漢中地區。第二年，擊潰南唐，獲得南唐江北个土地，个能，讓南唐南北朝个夢想泡湯。之後，對北漢搭北漢身後个契丹用兵，收復燕雲十六州當中个瀛洲、莫州。弗過渠之後得病死脫，自家个小兒子柴宗訓即位，後周个禁衛軍頭目趙匡胤立在陳橋發動兵變（歷史浪叫做陳橋兵變），得到軍頭用戶，之後，開回開封，廢脫周恭帝，後周滅亡，北宋建立，渠就是后勢來个宋太祖。
宋帝國个侵略搭十國完結
编辑一般帝國文人擔北宋建立當成五代十國終結个節點。个能是弗準確个。个辰光，老早唐帝國个境內還有將近十个自主勢力，个當中，包括:江浙地區个吳越國、湖湘地區个武平節度使、閩南地區个清源節度使、江右搭江東地區个南唐(个辰光自稱江南國主）、嶺南地區个南漢帝國、巴蜀地區个蜀帝國（後蜀）、江漢地區个南平國、河東地區，契丹人个保護國北漢國、以及從南漢手當中脫離自立个大越國、河西地區个定難節度使(后勢來个西夏前身之類。趙匡胤朝南朝北，對先攻擊何地擔弗頂主意。渠个心腹趙普奉勸渠先對比較便當个南面下手，再攻擊北難搞个遊牧帝國契丹，趙匡胤聽從，成為趙宋帝國个國策。
963年，趙宋首先擔周行逢死脫之後，無主心骨个湖湘地區強行兼併，之後，對後蜀用兵，無戰鬥力个盆地人，一个多月就潰敗。个能，趙宋獲得對東南其餘國家个戰略優勢，之後，見風使舵个南平國老快就自動請降。趙宋對南漢用兵，南漢个盟友南唐个辰光个君王是文人李後主，縮手縮腳，弗敢幫助南漢，一年之後，南漢滅亡，趙宋開始拉吳越國，對南唐用兵。南唐一敗塗地，975年，遭到吞併。順便擔清源軍也一併吞脫。个能，到趙匡胤死脫个辰光，就剩下來南面个吳越國搭北面个北漢還有名義獨立。之後，趙匡胤莫名其妙死脫，渠个阿弟趙匡義登基，強行命令吳越國納土歸宋(後世文人擔昰个吹捧成吳越主動行為），弗過，渠對北漢用兵邪氣失敗，雖然挨末階段吞脫北漢，弗過畀遼國擊破交關趟數，燕雲十六州還是立在遼國手當中。但對內，趙宋就宣稱自家大一統完成哉。所以，978年一般也當做是五代十國徹底完結个節點。
組織形態
编辑五代十國辰光，上層政治制度搭三國類似，立在唐朝表層下頭，有交關變化。一般講起來，中央朝廷設置管理行政个三省六部、管理財政个三司搭管理軍事个樞密院。因為戰爭多，所以，樞密院權利邪氣搭，宰相一般要獲得樞密使頭銜，才算當真掌握權利。各國內部也沿襲中原王朝个做法，弗過，一般對中原稱藩个國家，官職全降低一檔，南漢，南唐之類自稱帝國个，就完全搭中原一致哉。
經濟
编辑个段辰光，是帝国内部经济水平转变个重要阶段。安史之乱、藩镇割据替黃巢之乱个因素，让中原替河北地区因为戰亂一塌糊涂，有能力个人口全流移南方，当地田园呒人耕种。到五代十國辰光，军阀在北面开展始終未能平熄，北方个經濟开始落後，人口一直减少。到後周挨末阶段才逐漸恢復，弗过，从此刻开始，經濟水平已经弗好搭南面比较。南面各个国家，因为各自有邦国，经济长期稳定，吴越国、闽国、马楚、后蜀、南唐、南汉个经济全有良好发展，吴越国对太湖地区进行灌溉工作，彻底让此地成为粮仓替繁荣地带。南唐替之前各杨吴对江淮替江右开发，让两地个发展水平超过唐帝国辰光。马楚替闽国对各自国家个开发，也让湖湘替八闽成为文化繁荣个地区。南汉发展对外贸易，替十几个国家通商。蜀国闭关自守，经济邪气富足。处于渠場当中个南平国，也一直保境安民，发展过境贸易，让南方个经济高速发展。
政治实体列表
编辑五代十国辰光，有交关政治势力登台，所谓“十国”，只是一个笼统个称呼，实际浪称王个弗止昰个数量。有一些节度使，虽然讲没有称王，弗过渠場个统治，搭国王也無何区别。一些边缘地区个政治实体，后头逐步走向独立。
朝代
编辑所謂五代，就是五个鏈接起來个中原朝代个稱謂。弗過，昰五个朝代并弗好統一帝國本身，只弗過時佔據中原地區个大型軍閥勢力。个當中，後唐、後晉、後漢全是沙陀人建立个王朝。
十国
编辑没列入十国个政权
编辑参考资料
编辑- ↑ 《隋唐五代史：世界帝國?開明開放》〈第七章中晚唐政治與五代十國〉.第219頁－第238頁.