传呼电话

传呼电话是20世纪50年代到21世纪初中华人民共和国上海市流行个一种带人工呼叫功能个公用电话。伊个辰光，电话还呒没铺开来，公用电话接听点个工作人员来勒接听电话以後会得人工或者用喇叭叫附近个居民来接电话，或者拿来电号码记下来再去叫接听人拿电话打回去，或者直接拿内容转告畀接听人。接听人弗仅要付电话费，还要付传呼费。传呼电话通常设勒居委会、烟纸店、电话亭，是伊个辰光上海市民顶主要个通信工具。