佘山進敎之佑聖母大殿
佘山進敎之佑聖母大殿是勒拉上海市松江區佘山山頂浪向个大型天主敎堂，是天主敎乙級宗座聖殿搭東亞天主敎著名个聖母朝聖地。
歷史
编辑起源
编辑佘山附近个松江、青浦一帶天主敎傳入邪氣早，勒長達100多年个禁敎辰光，橫塘、張樸橋等村莊个天主敎徒一直勒地下狀態保持著自家个信仰。1844年，天主敎勒清帝國恢復合法地位後，江南代牧區个法籍耶穌會會長南格祿來到佘山，認爲箇𡍲滿山竹林，環境幽靜，可以勒迭𡍲塊爲傳敎區年老體弱个傳敎士建造一座祈禱所。南格祿於1856年去世。1863年，繼任个法籍耶穌會會長鄂爾璧從徐家匯來到佘山，勒半山建造了五間供神父休養个平房，內設小堂。1864年，松江總鐸杜若蘭神父勒山頂建造六角亭，供奉聖母像。山下頭張樸橋咾啥戶蕩个敎友開始上佘山朝聖。[1]
1868年3月1日，江南代牧區主敎郎懷仁祝聖仔小堂搭聖母像。迭尊聖母像是由一位中國輔理修士陸省三模仿巴黎“勝利之後聖母像”而繪製个，改稱爲“進敎之佑聖母”。1868年5月24日（聖母進敎之佑瞻禮日），佘山來了數百名朝聖个敎徒。當時小堂無法容納，衹好搭起帳篷舉行彌撒。[2]
興建大敎堂
编辑1868年，安徽、江蘇2省多處地方發生敎案（參見揚州敎案），神父搭敎堂遭到襲擊。甚至勒中外關係一向較爲和睦个上海街浪也出現仇視外國人个揭帖。耶穌會个法國傳敎士淘深感弗安，江南代牧區耶穌會會長谷振聲神父趕到佘山，跪勒六角亭个聖母像前許願：江南代牧區如能平安度過危難，化險爲夷，將勒山上建造一座大敎堂。9月，谷振聲向各位本堂神父發出公告，要求伊拉發動敎徒捐資，早日建成大敎堂，以感謝聖母个庇護。[3]
佘山大敎堂由耶穌會个馬曆耀輔理修士負責建築設計，1871年5月24日（聖母進敎之佑瞻禮日）舉行奠基典禮，郎懷仁代牧主敎舉行仔有6000名敎徒參加个露天大禮彌撒。眾多朝聖个敎徒參與義務勞動，擔笨重个建築材料從平地搬到山頂高頭。到1873年4月15日，希臘式个山頂大堂建成，郎懷仁前來祝聖敎堂，同時從半山腰到山頂修築了一條“之”字形个苦路，勒每隻拐彎處共樹立了14個苦路亭。當年5月1日交24日，郎懷仁又前往佘山，主持朝聖儀式。當時約有得一萬到一萬五千人前來朝聖。朝後起佘山聖母成爲江南代牧區个特別主保，當年五月撥稱爲佘山歷史浪第一個聖母月。[4]
1894年，半山又翻建了可容500餘人个、中國傳統風格个中山聖母堂。中堂正門兩側刻有一副對聯：上聯“小堂築山腰，且憩片刻休孝子禮”，下聯“大殿臨峰頂，再登幾級求慈母恩”。門前有可容千人个廣場，設有欄杆、石凳，供敎徒們休息、觀景，西面建有三聖亭（耶穌聖心亭、聖母亭、若瑟亭）。
重建新堂
编辑
1924年,首任宗座代表剛恆毅總主敎勒上海召開全體中國主敎會議，6月12日，即會議閉幕日，剛恆毅率領全體中國主敎舉行擔中國奉獻撥聖母个隆重典禮；次日,又率領15位主敎赴佘山，再次奉獻中華於聖母。
受到中國第一次天主敎公會議个推動,1925年4月24日，佘山山頂大堂開始拆除重建，由葡萄牙籍神父葉肇昌負責設計施工，由姚宗李主敎祝聖了基地。修建工程歷時十年之久，到1935年11月16日才峻工，由當時个主敎惠濟良主持祝聖彌撒。葉肇昌對工程管理邪氣嚴格，樁基一直打到岩石浪，施工時弗符合規定即要返工；磚砌定質定量，弗符合要求板定推倒重砌。
敎宗封聖
编辑1942年9月12日，正勒拉中國處於抗日戰爭个艱難時期，羅馬敎宗庇護十二世冊封佘山敎堂爲乙級宗座聖殿（minor Basilica），箇是遠東第一座受到敎宗敕封个聖殿。
1946年5月8日，羅馬敎廷又加撥佘山一頁特恩，准許撥佘山聖母（Our Lady of Zose）行加冕禮。南京總主敎于斌搭上海主敎惠濟良爲進敎之佑聖母托小耶穌像舉行加冕典禮，參加个敎徒達1萬餘人。[5]1947年5月18日，敎廷新任駐華公使黎培理又代表全體中國天主敎徒舉行了復獻禮，朗誦《奉獻中國於聖母誦》。[6]
破壞
编辑1966年“文革”中，大殿受到嚴重破壞，鐘樓頂上个聖母托小耶穌銅像、彩色玻璃窗以及經折路浪个十四次苦路像搭耶穌山園祈禱像儕作爲“四舊”撥敲脫。
恢復
编辑“文革”結束後，中國大陸个宗敎活動得以恢復。1981年3月，佘山天主堂歸還撥上海敎區。1981年5月24日，山頂大殿舉行有5000人參加个複殿大禮彌撒，開始大修，至1984年結束，1985年舉行複祝聖典禮。
複殿之初，由於原鐘樓頂浪个聖母托小耶穌銅像已染弗知去向，臨時用鐵制十字架安裝在勒鐘樓上。2000年，上海敎區發動信徒奉獻，又恢復了頂部个“進敎之佑聖母托小耶穌”銅像。4月18日，金魯賢主敎祝聖了佘山山頂聖母像。5月1日舉行了隆重个迎聖母儀式，並勒山頂聖母大殿舉行感恩祭。
1982年，勒佘山南麓創辦了一所培養天主敎神職人員个大修院——佘山修院。每年5月朝聖期間，修士們勒中山堂設立服務處，講解敎理、敎唱聖歌撥敎徒們。
建築
编辑
1935年完工个大堂造勒佘山山頂浪，建築風格爲羅馬式，建築平面呈拉丁十字形，東西長56米，南北寬25米（最寬處35米）。紅磚外牆，正門設勒西南面。敎堂西南角个方形鐘樓高38米，鐘樓頂部爲16根柱子支撐个橄欖形穹頂，上立一尊高4.8米、1.8噸重个“進敎之佑聖母托小耶穌”个銅像。敎堂立面四周紅磚牆上尖拱形彩色玻璃窗，頂屋脊則鋪以碧綠色琉璃瓦。大堂內部設有3000隻座位，盡端个大祭台用鑲金嵌玉个大理石雕成，祭台搭座堂間用低矮个漢白玉欄杆分隔，花瓷磚鋪地。[7]
由於佘山大敎堂建造勒海拔98米个山頂上，工程相當艱巨，其中頂大个困難是拿石頭等建築材料靠人抬肩扛從平地運到山頂。所用石料從福建用船運送到佘山腳下頭。整幢建築有“四無”之稱，即無釘無木無鋼無梁。
朝聖活動
编辑每年5月份个“聖母月”，都有數以萬計來自各地个天主敎徒前往佘山朝聖。由於河北東閭个朝聖活動受到政府管制，佘山成爲中國境內唯一仍然活躍个全國性天主敎朝聖中心。
佘山朝聖多年來已經形成傳統固定程式：敎友們來到佘山，先到中山堂念經祈禱，崇敬佘山聖母，表示對聖母个孝愛；再列隊沿經折路公拜苦路上山。拜苦路畢再進大堂望彌撒，向聖母求恩。末腳，再回到“三聖亭”念經祈禱。另外，由於傳統上漁民勒江南地區天主敎徒中佔有較大比例，告咾交關漁民敎徒儕是自家划船到佘山腳下，再上山朝聖。乃末勒5月份，佘山附近个小河浜中，常莊聚集仔弗少漁民敎徒个小船。[8]
由於大殿所在个西佘山是上海佘山國家森林公園个一部分，並作爲旅遊景點向遊客開放，告咾西佘山个大部分入口（東門、北門、西門）設有售票亭，遊客須購票進入。而敎友則從專設个敎友門出入西佘山園。但隨著西佘山園个免費開放，迭能个情形將成爲歷史。
彌撒時間
编辑平日：6:30； 主日：8:00；首七彌撒：8:00