刘敦桢

刘敦桢（1897年9月19号－1968年5月10号），字士能，号大壮室主人，湖湘人，出生在拉湖南西南面个新宁。伊是20世纪有代表性个建筑学家，建筑史学家，建筑教育家，对建筑史学作出交关贡献。伊1913年离开仔湖南，到日本留学。1922年到上海，搭柳士英一淘，创办仔华海建筑师事务所。1925年，回湖南，在拉长沙大学土木系当老师；之后又重新到江南地区，先后在拉苏州、南京搞建筑教育。1940年代之后，伊到南京中央大学当工学院院长；1952年，到新成立个南京工学院，去当建筑系教授。1949年朝后，伊肺支气管肿大，乃么伊只好辞脱本科教学职务，只带带助手搭仔研究生。1955年，伊成为仔中科院学部委员；弗过，之后在拉各种运动当中，也畀打成功仔反动权威、畀拉小鬼头批斗。晚年，又在拉文革当中受着仔迫害，1968年故脱。