湖南省
| 湖南省 | |
| 简称：湘 | |
| 省会 | 长沙 |
| 面积 - 总面积 - 占全国面积％ - % 水域面积 |
第10位 211,829平方千米 2.19% xx% |
| 人口 - 总人口 (2003年底) - 占全国人口％ - 人口密度 |
第5位 6500万 5.19% 325／平方千米 |
| 国内生产总值 - 总值 (2005年) - 占全国生产总值％ - 人均国内生产总值 |
第9位 19670亿人民币 4.17% 29880人民币 |
| 行政区类别 | 省 |
 | |
湖南省（湘语长益片新派长沙话：/fu13 lã13 sən41/），别称楚、湘楚，三湘四水，是中国一个省份，简称湘，勒世界第三大河长江个中游，洞庭湖边浪。省会是两千年个古城长沙，省政府来勒于长沙市天心区湘府路。省花是芙蓉（木芙蓉），所以也畀称作芙蓉国。
历史
编辑
南楚故地
编辑来勒上古辰光，湖南地区就有人类活动。到原始社会辰光，有三苗、百濮搭扬越（百越）等部落活动，是南方人种创造文明个一个重要通道。根据现在个考古结果，来勒宁乡县、安乡县、津市市、澧县、道县搭平江县等地，有考古挖掘出土个交关文物作为迭段辰光个证明。到一万多年前，此地个人类就开种植大米，到五千多年之前个新石器时代。湖南地区个古人类开始定居生活。
到春秋辰光之前，湖南地区大致处于迭个一种半开化个状态当中。人口也比较稀少。主要活动范围弗会超过当今个长株潭地区。虽然根据中原民族个神话，此地来勒夏、商搭西周辰光已经是伊拉九州当中个荆州南境。弗过来勒春秋中期之前，即便是属于半蛮夷个楚国人，也没对此地有多少开发。一直到战国辰光开始，此地才因为楚贵族个扩张被归纳到楚国个范围之内。楚国人来勒长沙-岳阳地区有交关活动，拿璀璨个楚文化传播到湘江流域，湖南个人口、语言、文化从迭个辰光开始奠定基础。湘楚也成为湖南个核心文化。
帝国更迭搭开发
编辑秦始皇来勒公园前220年左右征服整个东亚大陆。拿湖南也包括到伊个帝国之内。拿此地设黔中、长沙两郡；拿之后个汉帝国辰光，此地成为长沙王个封邑。弗过漢武帝削藩，之後此地属于荆州刺史辖区，辖长沙国、武陵郡、桂阳郡和零陵郡；东汉辰光，此地变动比较少。三国辰光吴国荆州，为荆南五郡；西晋时分属荆州和广州；東晉时分属荆州、湖州、江州；南朝宋、齐、梁时分属湘州、郢州和小部分荆州，南朝陈个辰光属于荆州、沅州；
隋文帝统一东亚，建立第二帝国个开皇九年(589年)平南陈，拿湖南境内设长沙、武陵、沅陵、澧阳、巴陵、衡山、桂阳、零陵等八郡；到唐朝辰光，唐玄宗开元二十一年(733年)属山南东道、江南西道和黔中道、黔中道黔州都督府，到唐代宗广德二年（764年）来勒衡州置湖南观察使，从此来勒帝国行政区划史上开始有“湖南”个名字；弗过，迭个辰光个湖南还是一个典型个荒蛮地区，有一个叫做破天荒个词汇，就是形容湖南人考科举总算考上个典故。柳宗元等文人，认为流放到湖南是去烟瘴之地。弗过，杜甫等人，还是来勒湖南留下交关美好个诗句。杜甫有一个坟墓，就来勒湖南。到五代十国时期，楚王马殷来勒湖南地区为根据地，建立楚国，国都为长沙。马王保境安民，让湖南来勒此段辰光有大发展。长沙个马王堆就是伊拉个遗物。湖南个人口，也从唐朝末年个百万人增长到北宋初年个两百多万，因此，马王堆湖南个发展有深远个贡献，湖湘文化也来勒迭个辰光开始有雏形。
宋元辰光个动荡搭发展
编辑北宋辰光，湖南被囊括到帝国范围之内。根据帝国个行政划分，湖南分属荆湖南路搭荆湖北路。此事，洞庭湖区有大规模开发，湖南个农业开始有大发展。全国个地位迅速上升，成为一个有名个农业省份。到北宋后期，湖南当地个士绅阶层开始形成。因为来勒苗族边界个关系，当地个居民一直要搭少数民族发生冲突。环境也弗是老好，所以湖南个儒家知识分子对经世致用个物事邪气关注。宋代形成个全国四大书院，湖南就有二个。到北宋末年，湖南人口达到570多万。北宋末年，湖南爆发民乱，被岳飞镇压。到南宋辰光，岳麓书院成为帝国乃至东亚首屈一指个学术中心，有名个大儒朱熹，就曾来勒此地讲学多年。
蒙古人个入侵把湖南带来交关屠杀。人口减少交关。到蒙古建立伊拉个元朝之后，拿湖南并到湖广等处行中书省（省会武汉），设湖南宣慰司，来勒衡州（后迁治潭州）；到明朝辰光，朱元璋对湖南地区个居民展开迫害，杀脱几十万人。又借口湖南人口太少，拿湖南搭现在个湖北省并到一道，设置湖广布政使司（省会武汉）；湖南因为丧失独立，来勒经济搭发展高头侪受到交关影响。明代个湖南，顶重要个事体就是帝国对湘西苗蛮个灭绝搭驱赶。弗同与老早个湖南人，帝国通过移民其他地方个居民，建立类似云南地区采用个碉堡政策，压缩苗族个生存空间。所以，湘西个居民侪讲当时驻扎部队个通用语：西南官话。
帝国辰光湖湘文化个形成
编辑明朝末年，朝代更迭，满洲帝国南下部队，对湖南展开屠杀。有湘潭屠杀一次性死脱十几万人。到清康熙三年（1664年），根据湖南人个抗议，满洲大皇帝终于分湖广为湖广左、右布政使司，其中右司下头有长宝、岳常澧、衡永郴桂、辰沅永靖4道搭长沙、宝庆、岳州、常德、衡州、辰州、沅州、永州、永顺九府。清世宗雍正元年（1723年），终于湖广右布政使司为湖南布政使司，迁长沙，湖南摆脱湖北个管制，正式成为独立个实体。
从明末开始，湖南就形成自家个独特性格搭方式，王夫之来勒明末个学术成果，拿儒家个经世济用搭湖南本地个湖湘文化结合，形成狂放，实用，浪漫，洒脱个性格，对湖南士绅产生巨大影响。清代个湖南，因为闭关锁国个关系，湘江流域成为长江向广州输送货物个要道，开始走向繁荣，湘潭、衡阳等地个船舶侪有上万条，洞庭湖高头一碧万顷。农业迅速发展，湘江以西个地区开始广泛分布人口。到19世纪初，湖南人陶澍坐上总督大位，伊搭林则徐关系邪气好，对后来个湘军人物侪有提携，比如左宗棠，就是伊个女婿。
近代个强势崛起
编辑1840年之后，帝国动荡，湖南来勒千年个积累之后，终于来勒近代历史当中大放异彩，成为数一数二个省份，对帝国个发展产生根本性个影响。1852年，曾国藩受命来勒衡州组建湘军，镇压太平天国暴乱。来勒十余年个征战当中，湘军成功拿长毛贼平定，弗仅让湖南省免于长毛个屠宰，也拯救东南各个省个人民。到1870年代，左宗棠又率领湘军远征陕甘，平定陕甘回乱，拯救当地个汉族百姓。之后，左公跨过河西走廊，灭脱来勒新疆个阿古柏回教政权。湘军来勒建立功勋个同时，让满洲帝国个军事权利搭行政权力被地方政府剥夺交关，到1870年代，全国三分之一个总督搭巡抚侪是湘军老早个成员。军事搭权力也让湖南积累原始财富，能够修建交关学堂，让湖南年青一代受到比邻近几个省份好交关个教育。为之后个人才涌现打下基础。
来勒1898年，湖南是唯一支持戊戌变法个省份。1899年和1904年，岳阳、长沙先后被开辟为商埠，常德、湘潭增列为“寄港地”。1903年，长沙人黄兴搭宋教仁创立华兴会，成为同盟会搭国民党个主要创始人之一。到1920年代，湖南来勒赵恒惕将军个倡导下，成为联省自治顶成功个省份，并且通过自家个宪法。[1]。 1926年－1927年，北伐战争当中，湖南农民运动声势顶大，农会成员发展到600万人。之后，湖南被何健将军实际统治。1936年，粤汉铁路全线通车。抗日战争当中，国民党蒋介石个军队来勒湖南省境进行过几次极其惨烈的抗击日军个战役，包括长沙会战、常德会战，衡阳战役搭湘西会战等。1938年，来勒“焦土抗战”个错误口号下，安徽人张治中烧脱长沙城，事后竟然没有惩罚，迭个事体被称为文夕大火。1944年，千年古城衡阳毁于衡阳保卫战，全城仅剩三栋残墙。
1946-1949年个内战当中，湖南人来勒国共两方军队里向侪占据重要位置。1949年10月1号，出生湖南湘潭韶山冲个毛泽东来勒北京建立中华人民共和国。
地理
编辑地形地貌
编辑
湖南个东、南、西三面侪有山地包围，省份个中部搭北部地势低平，是马蹄形个丘陵型盆地，属于江南丘陵地带。省内个西北面有武陵山脉，西南面有雪峰山脉，南部有五岭山脉（即南岭山脉），东面挨牢湘赣交界个罗霄山脉。来勒省份个中心地区，地貌大多是丘陵、盆地搭河谷冲積平原，除脱南岳衡山山脉高达千米以外，其他地区侪来勒海拔500米之下，顶高个山峰是炎陵搭井冈山交界个井冈山，海拔2122米。湘北有劳大个淡水湖洞庭湖、还有因为湘、资、沅、澧四水尾闾个河湖冲积平原，地势邪气低，一般来勒海拔50米以下，所以，湖南个水系呈扇形状汇入洞庭湖。
湖南以中低山与丘陵为主，丘陵面积有14.9万平方公里，占整个省份个70.2％；岗地搭平原约为5.2万平方公里，占24.5％；江河湖泊水域面积约为1.1万平方公里，占5.3％。湖南是东南个终点，西南个边界，来勒一般个定义上被认为是中南地区，弗过实际高头东西个差距要大于南北个差异。湘江流域是湖南个核心地区，过脱邵阳-娄底一线，文化搭地貌就跟贵州等地比较相似哉。湖南个临近省区有广东省、江西省、湖北省、贵州省、广西壮族自治区搭重庆市。
湖南属于江河中下游流域平原(长江、湘江)等搭档高原地台带（云贵高原）个过渡地带，所以地理景观有劲，人文也很有特色：平原经济发达地区文化和封闭的山地文化个交融。
江河湖泊
编辑湖南河网纵横，省份内基本上侪是洞庭湖水系，长度5公里以上个河流有5341条，其中以湘江、资江、沅水搭澧水四条河流最大。源自广西东北部海洋山西麓个湘江全长856公里，为本省流量最大、经济价值最高、流域最广个河流；沅水，源自贵州个云雾山，全长有1033公里，是湖南境内顶长个河流，流量仅次于湘江。
洞庭湖为湖南最重要个湖泊，北接松滋、太平、藕池和调弦（已堵）四口纳长江洪水，从岳阳城陵矶汇入长江，有调节长江水量个重要作用，由于江河的冲淤和人工围垦，湖面逐年缩小。
气候
编辑湖南是典型个亚热带季风气候，四季比较分明，气候温暖，潮湿。有点闷。年均降水量1300-1800毫米，自东南向西北递减。年平均气温16-18°C。极端最高气温43.7℃（1951年8月7日，永州），极端最低气温-18.1℃（1969年1月31日，临湘）。
自然资源
编辑湖南矿产资源丰富，是南方，尤其是东南地区矿产资源顶多个省份。已探明个有色金属矿产有37种。钨、铋、锑储量居全国之首，钒、锡、石墨、重晶石等矿产储量丰富，居全国前列。大型矿山有世界锑都锡矿山、世界有色金属博物馆柿竹园、水口山铅锌矿等。
行政区划
编辑当今个湖南省，下头管辖13个地级市搭1个自治州，从更次一级个角度看，总共有35个市辖区、16个县级市、64个县、7个自治县
人口
编辑
湖南来勒历史高头人口一直弗多，弗过，自从清朝开始，因为番薯搭辣椒引入个关系，人口开始快速增加。当今个湖南，是中华人民共和国人口人口数量老大个省份，到2013年末，湖南总人口已经突破7000万人，拿旁边个江西省、湖北省、贵州省侪超过，只比流动人口涌入个广东省要少。
湖南是一个南方省份，人口密集个程度邪气高，现在平均每平方公里有319人，高出全国平均人口密度1倍多。全省人口当中，城镇人口有2752.91万人，乡村人口4052.79万人，老年人口占全省人口个8.98％。2007年，全省人口出生率为11.96‰，人口死亡率为6.71‰，人口自然增长率为5.25‰。2012年末全省总人口7179.9万人，常住人口6638.9万人。人口出生率13.58‰，死亡率7.01‰，人口自然增长率6.57‰。
文化
编辑湖南属于东南文化个一部分，历史高头受到楚文化、江右文化、吴越文化个影响，搭自家老早个底层文化相结合，形成具有鲜明特点个湖湘文化。湖南拥有自家独特个语言湘语。饮食高头遗传上古个风格，欢喜重辣烟熏个食品。湘菜也是东亚有名个菜系之一，偏好香辣。
湖湘文化
编辑湖湘文化个发端源于北宋辰光，来勒湖南地区，文化个发展受到五代十国辰光楚国个大力推动。到北宋末年，湖湘学派个出现让楚文化来勒湖南有进一步发展。北宋末年开始，因为通古斯女真人个南下，北宋帝国瓦解。大量中原地区个居民南下，来到江南，江南本地居民也因为人口压力向江西迁徙，其中一部分又来到湖南，形成湖湘文化个基础。这些移民，多数具有典型个耕读特征，欢喜儒学，湖南个农村儒学发展从此才算真正开始。来勒文化重心南移个历史进程当中，虽然湖南并没有同样属于东南个江西箇浪成为一个重要个文化中心，弗过，儒学发展也进入快速进程。到南宋，湖南成为以儒学文化为正统个省区，被称为"潇湘洙泗", 因为地理环境个原因，湖湘文化重视“经世致用”，拥有典型个“先天下之忧而忧”个性格特征。湖湘文化个表现形式是整个湖南相当常见个书院教学模式，湖南著名个城南书院、岳麓书院、石鼓书院长期被认为是儒家文化个中心搭宣传基地。17世纪王船山个出现让湖湘文化具备全面个理论体系。湖湘文化个典型表现是重视学问，实用，对美感有敏感个直觉，弗过轻视经济、管理之类个学科。
军事传统
编辑虽然湖南来勒历史高头受到东面江西搭浙江移民邪气大哥影响，弗过因为楚文化个底层基础搭长期处于向西争夺生存空间个原因，湖南人邪气重视军事训练搭民团构建。因为湖湘文化当中个实用主义，湖湘地区个知识分子侪对文武双全个形象充满向往，对来勒自家家乡编练民团老有兴趣。老早个湖南，因为移民搭本地土著关系紧张，经常有械斗发生。这也为湖南崇尚军事提供基础。到18世纪，来勒帝国官方个号召下，湖南人弗断向南面搭西面扩展土地，挤压苗族、瑶族个生存空间。同一辰光，会党组织也来勒湖南有大规模个发展。到19世纪个辰光，湖南已经形成大规模练兵个模式，这也为后头湘军个辉煌提供基础。到20世纪，湖南个将军层出弗穷，也是受到军事传统个影响。
言话
编辑湖南境内个语言以湘语为主。来勒东部一些地方使用赣语，来勒南面用湘南土话，来勒西面有西南官话、瓦乡话或客家话等少数语言。除此之外，还有包括苗语、勉语（瑶语个主要分支）、侗语搭土家语等少数民族语言。
湘语是湖南自家独特个语言，是老早楚国语言个嫡系后裔。来勒2000多年之前，通过当时个楚国移民传播到湖南境内，搭境内个百越方言融合，形成湖南语言个前身。之后历朝历代个战乱让楚国发源地个人口搭文化彻底变脱，却让湖南保存大部分楚国文化。现在个湘语，使用人口有4000多万，分布来了湖南省大部分地区搭广西、广东个个别地区。现在通行个西南官话也受到湘语老大个影响。弗过，因为近来推普个影响，湖南交关年轻人侪弗会讲本地语言，开始讲口音老重个塑料普通话，这一现象来勒长沙等大城市尤其严重。
名人
编辑因为经济发展比较缓慢，还有帝国烧杀带来个萧条。湖南来勒历史高头并弗是一个经常出现有名人物个省份，一直到清朝辰光，来勒18世纪后半期，湖南开始涌现一批有能力个士大夫，伊拉为后头个湖南发展奠定坚固个基础，让湖南到20世纪上半期出现交关名人，深刻改写中国个历史。
清朝之前个名人
编辑近现代个名人
编辑参考资料
编辑- ↑ 赵恒惕与湖南省宪运动. 原始文档勒2013-04-13存档. 访问日脚2014-09-22.
