刘永福
刘永福（1837年10月10号－1917年1月9号），字渊亭，广东钦州（今属广西）客家人，祖籍博白东平，是19世纪后半段东亚地区有名个军事人物，在拉北回归线以南个清帝国南部边疆地区长期征战，见证从天地会、中法战争、甲午战争到辛亥革命各种事体。
生平
编辑刘永福本来个名字叫刘义，小辰光跟随伊爸爸流浪到广西上思县平福乡，因为屋里穷，就给大户人家当佣工。青年辰光，闹太平天国，伊趁机也跑到山里厢，当山贼，并且加入天地会。
1860年代天地会失败后，伊越境跑道安南，盘踞在拉中越边境个大山当中，当强盗。后势来，势力变大，畀越南阮朝招安，并获得官职。1880年代，伊个黑旗军成为中法战争一支重要势力。在中法战争后，越南成为法国殖民地，刘永福退回广西境内，并且接受招安，成为清勇将领。
清光绪二十年(1894年)，刘永福到台湾协防，防备日本人攻击。1895年5月25号，《马关条约》签署之后，台湾成为日本个领土。刘永福弗想投降，就拥立福建台湾巡抚唐景崧，当台湾民主国总统，并自号大将军。唐景崧跑路之后，同年6月，刘在拉台南接任总统职务，坚持抵抗。乙未战争失利之后，伊也跑路回到大清国，接任广东碣石镇总兵，至辛亥革命后终老。