辛亥革命
辛亥革命（沪拼罗马字：Sing 'é kak ming）是发生拉公元1911年（农历辛亥年，清宣统三年）中国，目的是推翻清朝，结束满洲人特权，建立共和制个革命。自1911年10月10号（农历八月十九）夜里武昌起义爆发开始，到1912年2月12号清宣统帝退位为止。辛亥革命推翻清帝国在东亚大陆个存在，结束始自公元前221年秦朝时期共2132年个帝制， 畀认为是一个改朝换代个历史事件，也是东亚地区发生个第一趟君主制度终结事件。
辛亥革命过程当中，在拉南京成立以孙中山为大总统个中华民国临时政府，并且在清帝退位之后，孙中山让位把袁世凯，袁在拉北京宣誓就职大总统，拿五色旗当成功中华民国个国旗，中国历史进入到北洋时代。
背景情况
编辑
清末乱局
编辑在拉世界变革邪气迅速个19世纪，东亚地区也逐渐受到影响。1840年，第一趟鸦片战争爆发，满清帝国在拉汉第十八省铁板一块个统治慢慢畀动摇，之后，各种西方思维传入，发生太平天国之类个民间力量反乱，让清廷遭受邪气严重个打击。
1860年代，清廷在第二趟鸦片战争之后，借助帝国南方湖湘人、江淮人为主个地主力量，打击反乱势力，又同西方殖民强权妥协，获得支持，用交关辰光才平定各种反乱。在拉迭个过程当中，各地个总督、巡抚地位上升，清廷中央权威慢慢降低。与此同时，各地也开始学习西方个技术，形成后世所谓个洋务运动。
1894年，清廷个北洋水师同淮军、湘军在拉日清战争当中畀日本人彻底打败。洋务运动宣告破产。交关人认识到，单靠引进洋枪洋炮，是嘸办法改变自家个情况个。在拉迭个情况下头，有人开始从制度高头，考虑改良问题。
1895年，发生公车孝廉连署上书，维新派康有为、梁启超等人进入北京，宣传体制内改革，支持模仿日本搭俄国，进行政治改革。1898年，维新派开展戊戌变法。但一百天之后就失败，维新派主要成员跑到日本，继续宣传立宪。但同一辰光，新个思潮已经在拉海外出现。
革党出现
编辑宣传通过革命、暴力方式，推翻满清帝国个统治，是19世纪挨末阶段才开始出现个现象。一般认为，迭个思潮个第一个有名气个宣传者，就是后势来个中华民国国父孙中山。
1890年，杨衢云、谢缵泰等人组织个辅仁文社在拉英属香港成立。杨个同学孙中山，在拉1894年11月24号在檀香山组织兴中会，开始拿推翻清朝朝廷作为目标。1895年1月，两个组织在拉香港合并，继续称兴中会，并在拉同年10月26号首次在拉广州发动“第一趟广州起义”，但弗曾成功。孙、杨二人亦因此畀通缉，并畀香港当局禁止入境。1895年，孙中山在拉英国伦敦为清廷绑架，事件成为国际新闻，孙亦因而闻名国际。杨衢云在拉1901年畀清吏刺杀。
1898年戊戌变法失败、以及1900年个庚子事变之后，支持革命个想法在拉清帝国个年轻人，尤其是派到日本去个留学生当中迅速流行开来。一些代表人物，比方讲：黄兴、杨度、宋教仁、蔡锷、章太炎、胡汉民之类，侪是在拉迭个阶段，迅速从学生子变成功革命核心人物。伊拉拿东京当成自家个活动基地，并且拥护孙中山做自家个领导人。到1905年，留学生组织合并，形成同盟会，迭个团体，也畀认为是中国国民党前身。
起义频繁
编辑从1895年到1911年，兴中会、华兴会以及后势来个中国同盟会，还有光复会、岳王会等各种团体，联合三合会、洪江会等会党，总共发动十几趟反清起义。这些起义一般是海外留学生配合当地个会党一道完成，经费来自海外华侨捐赠、同盟会会员自家筹措，或者是日本某些人士帮忙（比方讲平山周搭宫崎滔天），也因为迭个原因，在拉组织、计划高头侪有蛮多毛病，一趟也弗曾成功。弗过，频繁发动起义，还是让伊拉获得蛮高知名度，并且让清廷相当烦躁，如临大敌。
海外串联
编辑除脱在拉境内活动之外，革命团体个主要活动场所在拉海外。主要包括日本、南洋、北美搭欧洲。个当中，来自南洋华人华侨个经费、人力起到决定性作用，畀孙中山叫做“中华民国之母“。孙中山本人就好几趟跑遍南洋募集资金，并且发行代有自家信誉担保个革命公债（弗过后势来从来弗曾兑现）。同盟会在拉岭南地区发动个交关起义，比方讲黄花岗起义，骨干也以南洋华侨为主。
立宪落空
编辑弗过，大部分清帝国统治范围内个地方精英，在拉迭个阶段对革命还弗大感冒。主要原因是，在拉清末新政个十年当中，伊拉侪认为，清帝国好像日本一样，施行君主立宪。弗过，1908年溥仪登基之后，摄政王载沣完全弗曾在拉迭个预想道路上运转北京个内阁。1911年年初，清廷公布那个人员名单，13个内阁成员当中，有6个是皇亲国戚，剩下来7个人，又有3个是满人。个能，也就让立宪招牌下头到底是啥花头，侪让人晓得哉。此种做法，也让交关本身个立宪派在拉辛亥革命爆发之后倒向革命党（比方讲南通个土豪状元张骞）。
四川保路
编辑除脱皇族内阁之外，另外一个辛亥革命个导火索，是在拉四川发生个保路运动，1911年5月9号，清廷宣布拿铁路国有。收回民间出资修造个粤汉铁路、川汉铁路。迭个举动引发湖南、湖北、四川、广东四省士绅强烈反感，掀起四省保路运动，四川个活动顶顶激烈。8月，四川保路同志会在拉成都搭附近地区罢市、罢课。8月，成都附近局面慢慢较失控，清廷采用强硬手段，引发流血，激发更大个混乱。9月8号，成都附近农民起义，围攻省城，附近群众侪起来响应，几天之内，队伍发展到廿几万人。9月25号，同盟会会员吴玉章、王天杰等领导荣县独立。清廷赶紧从长江中游抽调军队派到四川，造成湖北防备空虚，个就是辛亥革命爆发之前清帝国个大环境。
武昌起义
编辑
1911年9月24号，湖北武昌个反清团体文学社搭共进会召开秘密会议，通过“起义计划”。文学社负责人蒋翊武畀推为总指挥，共进会负责人孙武畀推为参谋长。共进会负责人刘仲文（刘公）畀推为政治筹备处总理。起义辰光定在1911年10月6号（农历八月十五日，中秋节）。
之后，因为准备弗充分，事体发生泄漏，清廷开始关注到有革命活动，加大搜索力度，起义提前到1911年10月10号（农历八月十九日）爆发，当夜，起义军在拉武昌交关军营发生反乱，并且成功在拉次日黎明之前占领湖广总督府，末代湖广总督瑞澂乘船逃到上海。
10月11号黎明，武昌起义军聚集到湖北谘议局大楼会议厅，立宪派推陆军第二十一混成协统领黎元洪担任共和派个都督，革命党表示同意，因此会议通过以黎元洪为都督，汤化龙为民政总长。当日上半日，武昌全境光复，以谘议局大楼为办公地，十八星旗为军旗。10月12号，革命党人陆军第二十一混成协第四十二标士兵胡玉珍、邱文彬、赵承武在拉汉阳发动起义，占领汉阳；赵承武率起义军攻占汉口。至此，武汉三镇全部光复。
各省跟进
编辑湖北
编辑武昌起义后，清帝国派遣陆军大臣荫昌率北洋军攻击汉口（夏口）搭汉阳，并迅速启用之前畀罢个北洋军头目袁世凯，稳定北洋新军。
革命军随后开展阳夏战争，计划收复武汉三镇，弗过最终战败，11月27号退守江南武昌。在47天作战中伤亡约万余人。黄兴也因为指挥弗灵光，声望遭到打击。弗过湖北个抗争，帮助其余地区争取到独立个宝贵窗口，到阳夏战争结束个11月底，已经有十五个省宣布独立。
湖南
编辑10月22号，湖南共进会会员焦达峰、陈作新，按老早搭湖北共进会个响应约定，率会党搭新军在拉湖南省称长沙起义。湖南巡抚余诚格跑路，巡防营统领黄忠浩畀斩首。起义军宣布成立中华民国湖南军政府，推焦达峰担任都督，陈作新担任副都督，并发布《讨满清檄文》。随即派兵支援武昌。之后，因为内部斗争，焦、陈先后死脱，长沙城立宪派推举清廷进士，官二代谭延闿担任湖南都督。
上海
编辑11月3号，上海同盟会、光复会、上海商团支持陈其美、张承槱、李平书、李英石、李燮和等在上海华界发动起义，起义个主要力量，包括张承槱、刘福标等人组织个青帮洪帮敢死队，李平书搭李英石个上海商团武装，李燮和联络个吴淞地区起义军警，朱家骅、徐霁生等组织个中国敬死团。起义军队第二天就攻克江南制造局，上海光复；8号，成立中华民国军政府沪军都督府，陈其美畀推举为都督。之后，上海个革命当局为江浙光复提供交关支持。
浙江
编辑11月4号，以浙江人为主个光复会联络杭州新军八十一标标统朱瑞，同盟会会员新军八十二标周承菼部军官吴思豫、吕公望、蒋百里、蒋百器、杨廷栋、吴肇基人等，及光复会王文庆等上海派来个敢死队发动起义，从笕桥、南星桥出发进攻省城杭州。朱瑞、吴思豫、吕公望等率八十一标及光复会王金发敢死队攻占军械局。周承菼统八十二标搭同盟会蒋介石、光复会尹锐志（女）所属敢死队攻占抚台衙门。杨廷栋率兵包围巡抚府，巡抚增韫被俘，5日，杭州光复。浙江谘议局议长陈黻宸、副议长沈钧儒及马叙伦等人，推举立宪派、前谘议局议长汤寿潜为都督。