华夏公园是上海市外环线外一座主题是春景个公园，来勒浦东新区张江镇华夏东路285号，南面是华夏东路，向北到川杨河，西面是外环高速S20，东面到环城绿带500米规划控制线，占地17.32公顷，是上海外环线环城绿带个一部分[1]，2004年6月份正式落成对外开放[2]；後些来作为浦东新区2005年生态专项工程进行改造，2009年12月份竣工。[2]公园里向有“獐子重引入试点种群”基地，有隻“獐园”，弗仅繁殖獐子，游客还好进到獐园里向同獐子进行亲密接触[3]。依托獐园搭仔野生动物救助站，华夏公园经常性举办动物科普咾啥个公益活动[3]，还同华东师范大学合作建立本科生实习基地 [4]。
