南汇水蜜桃

南汇水蜜桃是原产地垃壗上海市浦东新区南汇箇块地方个水蜜桃。伊是上海市头一个获得中国地理标志产品个农产品。

等级

2012年开始，南汇水蜜桃按照统一标准分成3個等级，依次是“特级”、“特一级”、“特二级”，统一使用“南汇水蜜桃”注册商标进行包装搭仔销售，价格统一。

• 特级：每只重量勒拉250克到275克当中，表面呒没磕伤、擦伤，呒没裂开，呒没虫害，外观符合进一步细分里向个独特品种个描述。
• 特一级：每只重量勒拉225克到250当中，允许轻微擦伤一处，但面积弗好超过0.5平方厘米。
• 特二级：擦伤面积超过0.5平方厘米，但擦伤部位弗允许“褐变”。

以上箇些桃子好用“南汇水蜜桃”个注册商标，其它个桃子会得依照其他品牌销售。