南翔镇
南翔镇（上海言话：noe zian tsen[1]）是来勒上海嘉定区下头个一个镇，以伊拉个小笼馒头出名，也是一个具有交关长历史个古镇。南翔现在是上海个四大古镇之一，旅游资源邪气丰富。
地名来源
编辑南翔得名是来勒南北朝个辰光，有一天，当地农民来勒田里向耕种个辰光，挖出一块一丈多长个大石头，石头挖出来之后，一歇歇辰光，有一对丹顶鹤来勒石头高头飞来飞去，还落到石头高头歇脚。有一个叫德齐个和尚认为迭是个吉兆。此地是一块佛地，所以，伊搭村民商量好，来勒石头挖出来个区域，修造一个庙。祥云朵朵，所以叫做南翔。
人口
编辑南翔来勒嘉定一直是一个重要个城镇，现在有户籍人口4.8万人，弗过搭嘉定其余场所一样，此地个外来人口邪气多，弗比户籍人口少。现在此地个常住人口有11万。
行政区划
编辑南翔镇下头，管辖有12个居委会搭8个村委会，分别是：古猗园社区居委会、德华社区居委会、德园社区居委会、云翔社区居委会、南华社区居委会、白鹤社区居委会、翔华社区居委会、虹翔社区居委会、丰翔社区居委会、银翔社区居委会、永翔社区居委会、宝翔社区居委会、新裕村村委会、永丰村村委会、永乐村村委会、红翔村村委会、曙光村村委会、静华村村委会、新丰村村委会、浏翔村村委会。
文化旅游
编辑此地是嘉定顶有名个旅游场所，因为搭普陀区交界，又有地铁站，所以吸引大量人来此地旅游。南翔镇里向，有古色古香个老街，通过2011年以来个修复，又增加檀园[2]等景点。来勒2014年个春节，有8万多人到南翔来旅游。[3]
景点
编辑南翔个景点，主要有古猗园、檀园、云翔寺等，现在还来勒筹备建设中医药文化园，构成独特个文化风貌。
特产
编辑
南翔个特产，顶重要个当然是小笼馒头，南翔小笼个名声已经传播到全世界，成为上海小吃个标志代表。来勒南翔，啥街道高头侪有卖小笼个滩头，一些外来人开个餐馆，虽然里向经营别个吃食，弗过也拿小笼作为自家个卖点，拉拢游客。