反誓反裂敎
緣起 编辑
天主敎會對誓反裂敎个對應作法，因爲立場弗同而有分歧个稱呼，有排新敎徒稱天主敎會个反應爲「反宗敎改革」，天主敎徒則稱爲「天主敎會个改革」。箇兩種用法全反映仔某排相關事件个真貌。1517年，馬丁路德在威登堡釘上佢个九十五信條个辰光，意大利有心改革个人在羅馬成立爻 「聖愛會」（Oratory of Divine Love），昰個是由六十個天主敎會領袖組成團體，志在崇拜與彼此扶持。聖愛會延伸出其他組織搭修會，發展都邪氣蓬勃；天主敎个改革，動機是改革生命而弗是改革敎義。昰段辰光頂具影響力个修會是耶穌會。早在大約模一個世紀之前，西班牙在斐迪南二世國王與伊莎貝拉一世女王聯合當權个辰光，進行一種宗敎覺醒个改革，鼓勵方濟會會士西麥內斯（Francisco Jiménez de Cisneros）樞機改革敎會事務、資助學問研究，頂頂要注意个結果是： 《康普魯頓合參本聖經》於1522年，分別以希伯來文、希臘文、拉丁文出版。昰個也是天主敎會得以重新振興，始於西班牙个熱心改革敎會。
耶穌會 编辑
領導天主敎改革个傑出人物聖依納爵·羅耀拉是耶穌會个創立人。佢是斐迪南及伊莎貝拉个宮廷見習騎士，1521年法軍攻擊潘普洛納辰光，堅守受爻重傷，而弗能從事軍旅。在修養辰光，研讀有關基督个書，深受影響。之後常莊得到異象，昰種經驗幫助佢發展出一手冊《神操》（Spiritual Exercises）。 此書在幫助與引導讀者默想、禱告、自省與認罪。
書中个設計需用四個禮拜來完成：第一星期專於討論罪、第二星期是研討基督生平、第三星期是基督受苦、第四星期是復活與得勝，一切个默想搭指導，以箇四大主題爲主軸。頂重要是幫助信徒戰勝苦難，使自家全然獻畀天主。1528年來到巴黎大學，朆搭加爾文碰面，但卻結交爻六位耶穌會个核心夥伴。有一位是聖方濟各·沙勿略，佢場七人於1534年8月15日創立爻耶穌會。
耶穌會个組織：堅守過守貧窮、貞潔搭服從个生活之外，還要加上第四誓：絕對服從敎宗。新會士需具備羅耀拉个精神，邪氣重視軍事組織與服從，品性與信仰全需符合正統。同時具有幾個特點：
- 高度中央集權，爲總會長（General）
- 所有其他領袖全由總會長指派，總會長是選出个終生任職
- 頂重要个是要培養一種神操，根據聖依納爵个手冊。
耶穌會有三個主要个任務：
- 一、反對抗羅（對抗羅馬天主敎會）个誓反敎。耶穌會一句常用語「愈顯主榮」，昰個天主个國度是集中於天主敎會。
- 二、提供高素質个敎育。佢場相信，人个理性得到培育，就會懂得正確个決定。耶穌會有一句名言：「畀我一個小囡，讓我場敎育佢到七歲，佢會得終生做天主敎徒。」羅耀拉於1556年7月31日過世，伊歇，耶穌會修士已在羅馬、德國、希臘、匈牙利搭英國建立爻學院。到1626年，耶穌會有四百七十六所學院搭三十六間神學院；到1750年，單在法國就有六百六十九所學院、一百七十六所神學院。
- 三、推動新地區宣敎工作。十六世紀是耶穌會寫下頂偉大个宣敎記錄：美洲、非洲、亞洲領人歸主。頂大个勝利个地方就是亞洲，方濟各‧沙勿略在1541年畀派往印度个果阿，就開始整個亞洲个宣敎。印度、中國、中南半島、搭日本，收獲豐富。伊歇葡萄牙人所統轄海外領地个大本營就在果阿。另一位傳敎士利瑪竇在中國開創仔現代傳敎工作，編寫福音信息，使之適用於中國傳統與思想方式；雖然朆有得一位統治者歸信，但也成功打入北京个宮廷。
1604年，諾比利（Roberto de Nobili）抵達印度，嘸沒幾許辰光，佢就瞭解到，假使基督宗敎真正要成爲對所有个種族可選定个宗敎，傳敎士必須更道成肉身。佢弗止學會了印度語，而經過一番研究思考，選定爻四項應對措施： 束髮（kudumi）、裹紗 （thred）、額記（santal）搭淨禮（ablutions）。自從諾比利認清印度个文化與習俗，對印度人有最貼切个改變後，成千上萬个印度人歸向了基督。還有菲律賓个大部份人口，也成爻天主敎徒。
天特會議 编辑
天主敎誓反裂敎个主軸大戲，就是天特會議。就在新敎興起辰光，天主敎會繼續腐化，英國也宣佈國王權力大過敎宗。召開誓反裂敎會議个呼聲一徑從下層敎士發起，大學裏向也有同樣个聲音，末腳君主查理五世也決定要解決昰眼宗敎問題。
敎宗保祿三世在壓力下低頭，召開了第一次會議，處理敎會改革搭應付與日俱增更正敎个威脅。地點在意大利北部山區个小城特倫托，在1545~1563之間，前後有三個會期：1545~47；1551~52；1562~63。像一位樞機主敎所描述个：「在敎會史上，朆有得任何大會決定過介些多問題，確立過介些多敎義，或者制定過介些多法規。」
當大會於1563年12月4日，畢幕个辰光，會議共召開了二十五次，用了近十八年个辰光。共有四位敎宗使節、三位宗主敎、二十五位大主敎、一百二十九位主敎、七位修道院院長、七位天主敎特別團體个領袖，十位檢察官與歐洲所有天主敎國家个大使聯合起來，鄭重个共同簽署昰個大會所通過繁多諭令。庇護四世伊歇頭臥病在床，佢回應昰個大會个結論，說：「箇一切全是在天主聖神感召下个成果。」
天特會議與更正敎三原則个差異
- 聖經與傳統个權威：天特會議承認聖經以外傳統个權威，傳統與聖經同有靈感、同有權威。當兩者有衝突時，則訴之至高無上个敎宗个決定。解釋聖經个唯一權威在敎會，所有個別意見應臣服於敎會之下。
- 更正敎在七項聖事中，衹保留兩項：洗禮搭聖餐。會議宣稱：恩寵能透過七個聖事傳畀信徒，昰些聖事是：洗禮、聖餐（感恩禮）、堅振禮、告解、傅油、聖秩、婚禮。
- 天特會議對「信徒皆司祭」个觀念个看法，搭誓反敎弗同，指出衹有主敎搭神父代表敎會有能力宣佈，昰個人得赦罪與否。
天特會議畀了天主敎朝後个四個世紀个宗敎發展有一個明確个立場。
異端裁判所个恢復 编辑
在傳統上屬天主敎个國家像意大利、西班牙搭法國咾啥，異端裁判所爲天主敎改革運動个重要工具。異端裁判所个正式名稱爲「最高宗敎法庭」，其目的在於抑制異端个興起，防止敎會个分裂。昰個主要是加拉法樞機主敎（Cardinal Caraffa）个推動，到了1542年，佢對尋求與基督新敎溝通个人，直接批評甚至於威嚇。乃末羅馬个異端裁判所成立，由羅馬敎廷控制。敎廷任命爻六個樞機主敎爲總監，加拉法是其中之一。佢認定異端是背離上主个叛徒，也是頂惡劣个罪人。由裁判所來處置最爲適當且有效，就像醫師面對生病个人，該切除个就切除，省得危害基督信徒个社群。
異端裁判所在意大利用得頂普及。在西班牙是搭較古老个合用也邪氣有效。任何型式新敎派个團體，老快就畀西班牙个異端裁判所消滅脫。然而在昰種惡劣个環境當中，有聖女大德蘭（大德肋撒）（ St. Teresa of Avila，1515~82年）及聖十字若望 （St. John of the Cross，1542~91年）昰兩位以靈恩式體驗聞名个導師，仍然有豐碩个成果。法國比較緩和，德國嘸沒異端裁判所个傳統，告咾弗普遍。英國在習慣丄弗准敎廷進行異端裁判。昰個也成爲更正敎進一步發展个主要阻礙。
禁書目錄个發布 编辑
同樣搭異端裁判所施行高壓手段个嚜，開列禁書目錄。昰個辦法咾在中世紀曾經使用過，但成功个程度弗同。天特會議个壓末一個會期，通過且頒布伊歇期最權威个禁書目錄。昰個目錄即所謂个《天特目錄》交由敎宗庇護四世（1559~65）執行。佢在1564年擔索引印發，呼籲各地个基督徒遵照辦理。箇目錄查禁脫書目約佔當時歐洲印行書籍个四分之三。幾乎僅挺武加大譯本，與天主敎信仰个書本纔好發行。敎宗還任命一個查禁書目个獨立委員會，按期對書目增訂，一直到1966年纔廢止脫。
對雨格諾派个逼迫 编辑
法國也受到加爾文个影響，遍及全國，從1557年以後稱爲雨格諾派，佢場是一羣有才智與理想个人，其中有部分是貴族，雖在劇烈个逼迫當中，仍然人數成長。到了1555年在巴黎有一個敎會，經過四年个成長，在法國雨格諾派敎會已有七十二處之多。公敎派與雨格諾派全想掌控政府，決意訴諸武力，展開了爻三趟惡戰。
到1570年中，有一段短暫个和平，政府准許幾座城爲雨格諾派統治，並有崇拜个場許。雨格諾派領袖科利尼（Coligny）支持過去个政策，反對西班牙个協助工作，以使得法國搭西班牙是對立个。伊歇佢場規劃讓出一些土地畀法蘭西，條件是馬上援助荷蘭个革命軍。科利尼主張最力，而且佢頂受查理九世个重用。爲與法國各政治勢力个調和，計劃使納瓦拉个亨利（Henry of Navarre）與查理九世个姊妹瓦羅亞（Valois）个瑪格麗特（Marguerite）結婚。日期訂於1572年8月18日，地點在巴黎是一個極富宗敎色彩个城市，那日彙集爻交關公敎貴族與雨格諾派，參加此盛禮。
照此情勢演變，亨利極可能成爲法國个國王。公敎極端派隔手去警告梅迪奇，雨格諾派有陰謀；爲仔消除脫科利尼个勢力，策動一趟大謀殺，由吉斯一家及在巴黎个公敎狂熱分子所爲。昰趟盛筵，所有雨格諾派个領袖全畀邀，稱著 1572年8月24日聖巴多羅買日（St. Bartholomew’s Days），整個巴黎个鐘都敲響，昰個是大屠殺个暗號，整整三日三夜个流血慘劇。昰趟科利尼畀殺，與佢同時畀殺个老多，據說單在巴黎就有得八千人。後又擴及到法國其他城市，死亡人數應是幾倍於此。納瓦拉个亨利因放棄抗議宗主義，而能逃脫一死，該事件反爲內戰帶來爻新个衝突。
參攷文獻 编辑
- 郝伯爾《歷史个軌跡》，李林靜芝 譯，校園書房出版社，臺北，1986。
- 黃孕祺《基督敎史話》，香港敎會書室有限公司，香港，1985。
- 葛麥福《基督敎神學原典精華》，楊長慧 譯，校園書房出版社，臺北，2003。
- 沈介山《基督敎會史大綱》，中華福音神學院出版社，臺北，1986。
- 唐納德‧特雷德戈德《基督敎史》，孫慧民 譯，桂冠圖書（股），臺北，1992。
- 比爾‧奧斯丁《基督敎發展史》，馬傑偉 譯，種子出版社，香港，2002。
- 陶理《基督敎二千年史》，李伯明、林牧野 譯，海天書樓出版，香港，1997。
- 奧爾森《神學个故事》，吳瑞誠、徐成德 譯，校園書房出版社，臺北，2002。
- 麥可‧柯林斯、馬修‧普瑞斯《基督敎个故事》，謝青峰 譯，台灣麥克股份有限公司，臺北，2005。
- 華爾克《基督敎會史》，謝受靈、趙毅之 譯，基督敎文藝出版社，香港，2005。