哺乳動物(教会罗马字:bú°-°zü-°dúng-véh)是脊椎動物亞門下个一個,學名謳哺乳綱(Mammalia,來自拉丁文「mamma」,意思是「乳房」)。除脫6種頂頂原始个哺乳動物之外所有个哺乳動物儕是直接胎生个。乃朝全世界估計有得4000種橫裏个哺乳動物,人類是其中進化出來个一隻分支。

 
哺乳動物
依順時針方向:長頸鹿、果蝠、獅子、刺蝟
依順時針方向:長頸鹿果蝠獅子、刺蝟
生物分类法
亚门: Vertebrata
纲: 哺乳綱

進化史 编辑

頂早个哺乳動物化石是垃中國發現个吳氏巨顱獸Hadrocodium wui),生活垃2億年前个侏羅紀。從化石上來看,哺乳動物(尤其是早期个)搭爬行動物之間邪氣重要个區别是垃拉牙齒上向。爬行動物每粒牙齒儕一色一樣,嘸啥區别;但哺乳動物个牙齒,拉垃上个位置弗同分化成功弗同个形態。此外爬行動物會得更新,哺乳動物除脫乳牙會得毀牙,別個牙齒弗會得再更新。垃動物界中衹有哺乳動物个中耳裏向有得三塊骨頭,一般性講起來是由爬行動物个兩塊附加顎骨進化成功个,個咾成爲哺乳動物聽覺交關靈敏。

第三紀爲止所有哺乳動物體型儕蠻小。垃恐龍絕種仔以後哺乳動物率先séh-sien占據仔交關生態位置。到仔第四紀哺乳動物成爲仔陸地上有得支配地位个動物。伊歇辰光个哺乳動物可以分爲4種:

  • 多峰齒類(Multituberculates)
  • 單孔目(monotremes)
  • 有袋目(marsupial)
  • 胎盤類(placentals)

多峰齒類在拉3千萬年前个漸新世Oligocene)就已經絕種,別個3科則存活到乃朝。

現有哺乳動物分類 编辑

全世界个哺乳動物當中(以來計)咾,嚙齒目占脫一半,另外差弗多有4分之1是翼手目。當中,也有交關多動物垃拉動物界个頂級位置,譬如長鼻目)就是乃朝陸地上頂頂大个動物,鯨目藍鯨則是有史以來頂大个動物,比恐龍還要大。

 
70%个哺乳動物儕是嚙齒目(藍顏色),挨下來是翼手目(紅顏色),搭Soricomorpha(黃顏色)