(从人類转戳到箇里)

学名Homo sapiens,意思是「有智慧个人」),是乃朝地球个主宰物种,属于灵长目人科人属个直立行走物种。[2][3]搭各许动物比,人个脑子发达险,有抽象思维、语言、自我意识加解决问题个能力,加上人身体是直立个,手好空出来做事干,用家伙也超过各许物种无数。到2011年11月止,世界人口达到70亿,[4]大约莫是来地球活过个人头总数个6%。[5][6]

 
人类
地质年代: 更新世-近期
男人搭女人
男人搭女人
西洋个男人,女人搭伊拉个小人 [1]
西洋个男人,女人搭伊拉个小人 [1]
保护状况
生物分类法
域: 真核域 Eukarya
界: 动物界 Animalia
门: 脊索动物门 Chordata
纲: 哺乳纲 Mammalia
目: 灵长目 Primates
科: 人科 Hominidae
属: 人属 Homo
種: 智人 H. sapiens
二名法
Homo sapiens
(Linnaeus, 1758)
亚种

长者智人(Homo sapiens idaltu)(灭绝)
(Homo sapiens sapiens)

线粒体DNA化石证明,智人大约来廿万年前从东非独立发展开来,经过两趟走出非洲,散步到世界各地。并通过开发石器,获得超过其余交关物种个技巧搭优势。到1万年之前,开始发展处乃朝个文明。并形成社会阶级。到五千年前,立在尼罗河流域两河流域出现文明个高峰。之后文明立在世界各地开始发展。乃朝,人类是地球高头数量庞大个一个族群,并立在大部分地区定居,人类个活动,拿地球个面貌深刻改变,并形成人类文明

搭各许高等个灵长类动物样,人类是社会性个。人用嘴、手势搭文字表达自家,交换意见。人类会造复杂个社会结构,从家庭国家。人搭人之间个社会交际形成广泛个传统习俗宗教制度价值观法律,个许聚队构成人类社会个基础。人类还有审美个观念,咦加人类自我表达个欲望搭相对来讲蛮大个脑子,造出宗教艺术语言、搭科学

人类希望理解加改造环境,想用哲学艺术科学神话宗教解释自然界个现象。种一落头地个好奇心发展出高级个家伙搭技术。尽管人弗是独个用家伙个物种,不过人是晓得个独个要得用、要得著衣裳、要得煮吃搭各许高级技术个物种。

释义编辑

生物学上,人分徕哺乳纲灵长目人科人属智人种(学名是Homo sapiens)里,是搭黑猩猩大猩猩猩猩还有长臂猿一样属于人猿总科灵长目动物[7]。人类搭各许灵长目动物个弗样是人有徛直个身体、高度发展个脑子,咦加高度发展个脑子带推理搭语言能力。人搭猿血缘近,动物学家德斯蒙德·莫利斯讲笑讲人是裸猿,还从各个角度论述人各种行为个起源[8]

精神层面上,人描述成是各种灵魂个概念用得来个,徕宗教里个许灵魂是认作搭神圣力量要勿存在有关;徕神话学里,人个灵魂也会驮来搭各许人型动物对照。比方人工智能要勿天使是呒肉身个灵体,兽人要勿亚人是单清有欲搭肤浅个情绪。

行为学上来望人个特征有:懂用语言,有多种复杂个互助性社会组织,欢喜发展复杂个科技,派生出各文化弗样个信仰传说仪式、社会规范。

哲学法律里向,人类、人、个体有弗样个意义。头前是讲箇物种,后髋是讲一个行为个体;譬如约翰·洛克Essay concerning Human Understanding II 27 搭伊曼努尔·康德Introduction to the Metaphysic of Morals,个体便用来代表弗是人个动物,也好代表神秘动物人工智能,搭外星人。徕神学宗教哲学里一个重要个议题便是上帝是弗是一个个体(望Great ape personhood

汉字里,“人”个甲骨文是象形字,描写一个侧身徛里个人形,着意人个身体。从金文小篆一落到楷书都保持箇种简洁明快个线条组合。徕拉丁文里,humanushomo个形容词态,意思是古英文man也有箇意思,譬如复合字wifman(女人),woman

生命周期编辑

 
一具人类骨骼标本

人个命从受精卵起。男性通常通过性交个方式让女性受精,有两记也好用人工受精。人徕生长初期讴作受精卵,来女性个子宫过约莫38个礼拜个胎儿期,便好生,胎儿从女性体内娩出后头一垡靠自己敨起,同时讴作毛头娃。一直到毛头娃后,人嚇开受法律保护,少数地区呒数从子宫里个胎儿时期便开保来哉。人个命活到止。

搭各许生物比,人生个过程复杂无多。超过24个钟头个痛苦分娩弗少见,有两记畀小人搭娘妆伤妆死都有。到20世纪徕一许发达国家策有蛮高个生产成功率。徕各许发展当中国个生产是弗是老实快失败还有争议,因为箇许地区个女人讲渠里用自然分娩法弗单蛮安全也蛮孬伤害产妇搭小人。

死道道带来弗调泰个感觉要勿嚯(参望濒死经验)。办丧事是人类社会个特色之一,通常也源于对死后世界个相信。不过一个人“长生”个方式呒数便只从后人个膜拜搭继承体现。

生理特征编辑

智能编辑

智能是讲生物一般性个能力,包括理解计划解决问题抽象思维、表达意念语言学习个能力。智力测验道道用来确定人个智力。一许研究者已经开对累积智能进行研究,箇种智力从人个协作来。计算机科学促进对人工智能领域个研究,许研究个目的是寻怎儿让计算机以还智能化个方式运算。

情感编辑

人个情感,最多是由大脑引起个。通过感官对外界个认识,形成自己个望法搭态度,形成自己个独立判断,逐渐深入,形成情感。

性活动编辑

人类个性行为,除繁殖后代外,还有相当重要个社会功能,徕两个个体间制造连系。性欲除生理上个冲动,也带来强烈个感情,正面(爱要勿高潮许),反面(譬如讲嫉妒)个感情都有(参性欲)。

人类个性行为有自己一套约定俗成个规范。性活动会影响到社会规范进一步影响到性活动个表达方式。对性方面个选择道道时也会跟当下个社会规范变,譬如讲一许人会为宗教教义、社会舆论搭对真爱、贞操个理解弗肯有婚前性行为。一许文化好接受一夫多妻要勿一妻多夫,一许文化坚持一夫一妻伊斯兰教国家除外),一许文化呒长期加固定个婚姻关系(譬如摩梭人走婚制)。

人类社会里,道道用一夫一妻制,也会因地方个习俗搭法律有弗样,一许地方咦分父系社会母系社会

身体编辑

人类个表水徕文化搭艺术里都演重要个角色。人用化妆服装珠宝,甚至是刺青许装饰渠里个身体。发型搭发色弗样也暗示文化个弗同。一个人人范好看孬看对一个人个生活影响大险。

对食物饮水个需要也徕人类文化里表现出。呒吃便会肚饥,呒水便会口燥甚至脱水。肚饥搭脱水忒长久都会;人类好两个月日弗吃还活,最多三日弗吃水便会死(参望:肚饥营养弗良)。

成人平均一日要睏七到八个钟头,小人九到十个钟头。年纪大点个睏六七个钟头光景。不过通常现代人都弗够睏(参望睏觉弗足)。比方大学生道道只六个钟头。

人会会生毛病,畀身体状况下降。医学是一门研究怎儿保持身体健康个科学。

饮食编辑

早期个现代人用“采集打猎”来搜集吃个主要方式,箇方式结合固定个食物来源,植物搭真菌(譬如水果、谷物、块茎,蘑菇)加狩猎各许动物。一般相信,现代人用火煮吃是由直立人分支起个。

人是杂食性动物,能消化植物搭动物。人有作杂食性动物个重要特征,一个纯肉食要勿纯素食者身体会生缺乏症。纯肉食者个饮食会导致坏血病,纯素食者个饮食则会导致一定数量个营养素缺乏,包括维生素B12。特别是维生素B12,纯素食者一定要经常补充 [2]。一许人会选择戒吃一许要勿全部肉,一般会出于宗教道德生态保护,要勿健康许原因。

人类个饮食反映到地区文化里,也引致食物科学个发展。一般来讲,人会根据平时贮勒人里个脂肪活两到八个星期弗等,不过呒水通常过弗落两个星期。瑲朞,粮食弗足叫旧是一个严重个问题,年加年平均有30,0000人肚饥要死紧 [3],儿童营养不良是一个世界性个问题 [4],全球粮食分配还弗平均,肥胖疾病徕一许国家个人口里达到猴高个比例。到一万年前,人农业[5]开发,农业技术大大增加人类个粮食来源。箇导致人口快速增加搭城市个发展;人口密度一增加,过传染病还快。徕弗样个时间、地区,弗同民族,饮食文化大大个变化哉。

栖息处编辑

人徕地球上除南极洲外大部分地区都长世有人宿活。大部分平原地区是人类人口密集个地区,世界上有2/3个人活勒到海岸线差弗超过500千米个区域里。山地搭高原地区个人口少险。

语言编辑

主文章:语言

目前人类讲个话大约有7200种,其中便只2000种光景有自己个文字。世界上分布最广泛个语言有汉语 (中文)英语西班牙语阿拉伯语葡萄牙语俄语法语德语许。根据东英吉利大学个人口生态学家威廉·萨瑟兰对6809种语言个分析来望,靠1/3个语言徕交关危险个地步,有46种语言便只一人懂。大部分语言是人类进化过程当中自然形成个,不过也有少数语言是徕某个时候人创起个,渠里讴作人工语言(要勿人造语言),比如世界语

物种数量编辑

 
世界人口密度点图

人个物种数量讲人口世界人口超过70亿联合国估计到2050年会达到90到100亿。2004年,人口最多个国家是中国(13.13亿)、印度(12亿)、美国(3亿)、印度尼西亚(2.23亿)、巴西(1.81亿)、巴基斯坦(1.77亿)、尼日利亚(1.58亿)、孟加拉国国(1.53亿)、俄罗斯(1.42亿)、日本(1.28亿)、墨西哥(1.12亿)许。世界人口密度最高个城市是澳门

一般讲来,发达国家搭地区个人口增长速度慢险,无其数国家还有负增长。欠发达地区个增长速度倒朆变慢。2000年到2005年,发达国家搭地区平均人口增长率是-0.2%.欠发达地区是1.5%。根据联合国人口基金《2004年世界人口状况》,2004年世界总人口是63.78亿人。其中,发达地区是12.06亿人。欠发达地区是51.72亿人。2005年,全世界一分钟大约259人生出。

人口老龄化是一个日益严重个社会问题。能界世界上人口老化最严重个国家是摩纳哥,超过22%个人口徕65岁以上[9]意大利瑞典也超过17%。联合国预测2050年,60岁以上个老年人口比例会从10.0%升到22.1%。

起源编辑

进化论编辑

根据进化论,人类起源是查尔斯·达尔文提出进化论后,逐渐发展起来个一种理论,认为人类起源是类人猿,从灵长类经过漫长个进化过程逐步发展起。箇理论得到绝大多数生物学家搭考古学家个支持,是能界科学界个主流理论,搭各许从进化理论发展出来个理论样,箇理论共样面对大量来自宗教界个挑战,不过,罗马天主教倒是支持箇理论,详细望神导进化论

创造论编辑

根据创造论,人类是超自然力量譬如上帝要勿外来生物譬如外星人、平行世界个人造个。 前头个是受宗教界特别是亚伯拉罕诸教支持信奉,后头个是外星人造论带头,因渠搭上述个神创论冲突蛮小。 基督教搭渠起源个犹太教认为,男人是神用烂泥照自己个范子造起个,后咦取男人个一梗肋膨骨造个女人。 照中国传统宗教,人类是女娲用烂泥造起。 各许原始宗教也都讲人是神魔用烂泥造起个多。 外星人创造论相信个人忖,人搭地球各许生物忒弗样哉,主张人是外星高等生物经过基因工程改良来个。 另外,人是外星人造个假忖也道道是小说搭动漫个题材。

参考编辑

  1. 出自先驱者镀金铝板
  2. Goodman, M., Tagle, D., Fitch, D., Bailey, W., Czelusniak, J., Koop, B., Benson, P., Slightom, J. Primate evolution at the DNA level and a classification of hominoids. J Mol Evol. 1990, 30 (3): 260–6. PMID 2109087. doi:10.1007/BF02099995. 
  3. Hominidae Classification. Animal Diversity Web @ UMich. 访问日脚2006-09-25.
  4. As world passes 7 billion milestone, UN urges action to meet key challenges. United Nations. 访问日脚2011-12-25.
  5. Scientific American article debunking the idea the living outnumber the dead.
  6. The original PRB work summarized in the SciAm article.
  7. [1]
  8. 裸猿
  9. 中国人口搭发展研究中心 于学军 中国人口老龄化搭全面建设小康社会