塔那那利佛

塔那那利佛（馬拉加斯語發音：[antananaˈrivʷ]；老早勒法語裡向叫Tananarive，法語發音：[tananaʁiv]，有辰光簡稱Tana），是印度洋島國馬達加斯加個首都。城市勒馬達加斯加島中心，海拔1280米（4200英尺），從18世紀以來就是馬達加斯加人口頂頂多個城市。歷史浪曾經是梅里納人個首都，梅里納人現在也是塔那那利佛頂頂多個人種，人口達210萬（2013年）。馬達加斯加所有18種馬拉加什民族儕有人住勒該噠，還有蠻多個外國人包括仔中國、印度搭法國人。塔那那利佛是馬達加斯加個政治、經濟、教育搭文化中心。總統府、上議院搭最高法院儕勒該噠。