馬達加斯加

馬達加斯加共和國（馬拉加斯語：Repoblikan'i Madagasikara [republiˈkʲan madaɡasˈkʲarə̥]，法文：République de Madagascar）簡稱馬達加斯加，老底子叫馬爾加什共和國，是一個非洲東南部近海個印度洋島國，包括馬達加斯加島（世界第四大島）搭仔周邊交關多小點個島，首都是塔那那利佛。岡瓦那超大陸勒早侏羅紀解體過後，馬達加斯加島勒差弗多8800萬年前頭從印度板塊分裂，當地個原生動植物所以勒相對隔離個自然條件下頭演化。馬達加斯加也成為仔生物多樣性熱點地區，90%個野生動植物儕是馬達加斯加獨有個。但必過，島浪多樣化個生態系統搭獨特個野生動植物種類也越來越受著增長窮快個人口侵占個威脅。