寺区

寺区，战国个辰光越国重臣，官拜大夫。辅佐之越王翳、错枝、无余等好几个越王

生平

寺区勒越国做官个辰光，越国已经开始衰落。越王朱勾通过政变，谋杀之俚个爷越王不寿，夺取之王位，搿也为之后越国个内乱埋下之伏笔。朱勾死后，俚个倪子翳继位。搿许辰光，越国国力弗断衰败，越王翳只好拿首都从琅琊迁回江南个吴（今朝苏州）。越王翳晚年越国国势进一步恶化，最终俚也畀俚个倪子诸咎杀脱，称为“诸咎政变”。但不过第二年就畀大夫寺区平定，诸咎畀除脱。越国立错枝为越王，但错枝因为越国内乱，连牢三个国君畀杀，也就是越王不寿、越王翳、诸咎。俚觉着怕，逃到丹地个洞里向畔起来。寺区就用烟薰个办法逼俚出来，错枝畀推举为越王。但错枝一直努力推避王位，第二年卿大夫寺区又立无余为越王。

亲眷

寺区有一个兄弟，但姓名已经难以查实。无余十二年（前364年）寺区个兄弟拿越王无余杀脱，让无颛成为之越王。