尚泰

尚泰（琉球語：尚泰／ショーテー ^{Shō Tee}；1843年8月3号—1901年8月19号）是19世纪后半段东亚琉球国个君主，伊是第二尚氏王朝第十九代国王，也是阿末一位琉球国中山王。伊是尚育王同王妃向元贞个第二個儿子。

亡国之君尚泰

伊1848年至1879年在位。1854年，美国个马休·佩里提督领拉舰队到琉球，同琉球签订《琉美修好条约》，箇是琉球历史上第一個弗平等条约。箇年开始，琉球开始同西方贸易，也同西方国家签订弗少弗平等条约。1871年，日本废藩置县，宣布废脱琉球国，改叫琉球藩；日本也拒绝琉球对日本人抢脱个奄美之地个要求。1879年，伊畀日本当局废脱仔王位，琉球藩也畀日本人变成功冲绳县，伊畀日本人硬劲迁在拉东京，畀封成功侯爵，成为仔日本华族。后些来，尚泰就放弃复国想法，反倒还反对琉球人个复国活动。1901年，伊在拉日本故脱；伊个爵位，传畀拉自家儿子尚典。