山海关，也好叫做榆關，是东北亚长城段个传统终点。迭个关卡乃朝立在中华人民共和国河北省秦皇岛境内，明朝辰光设置，本身东面还有蛮长个辽东边墙，弗过从清代开始，就作为传统区分汉人集聚区搭满洲个分界线哉。1644年5月，吴三桂立在此地放多尔衮个满洲军队入关，开始满洲帝国兼并东亚大陆个过程。满洲国辰光，此地也成为满洲国搭华北维新政府个分界线。乃朝，此地是一个旅游景点。
