崩瓜

崩瓜，貤讴浜瓜，是一种特殊个西瓜。伊翠绿颜色个、椭球形个、里向是黄心个果肉搭仔血红颜色个籽，邪气甜，喫口清爽。伊个皮薄唻雷打个辰光就会得崩开来，故咾叫崩瓜，也因此来勒运输路丄向损耗邪气大。崩瓜本来多种勒三林乡东南面个同济、荻山、金光、南阜等村里向，故咾貤叫三林崩瓜。抗日战争个辰光日本人拿瓜籽收到日本去，叫伊“嘉宝”。上世纪七十年代，上海农科院从日本收转来崩瓜原种“嘉宝”籽三百粒，交畀三林公社种籽站去种，一代代培育出现在个三林崩瓜。伊现在是上海市浦东新区特产，全国农产品地理标志。

一盘切开个崩瓜

伊同亭林雪瓜、七宝黄金瓜、甜瓜一道叫“上海四大名瓜”。