厕所
（从廁所转戳到箇里）
厕所，貤叫厕所间（上海话：5tshy-su-ke）、马桶间（上海话：6mo-don-ke）、卫生间（上海话：6we-san-ke）、坑棚间（上海话：khan35-ban55-kae31）、便桶间、茅坑间、屙坑间，是用只马桶或者屙缸，畀人屙污，屙尿个独立场化。有一眼廁所会有草纸供应，方便人拆完揩屁股。
老式厕所
编辑农村地区个老式厕所，有“屙缸场”搭“便桶间”介两种，一般可以统称为“屙坑间”。
屙缸场个砌法是先搭一只大缸伏勒地壤里头做拆缸，缸口搭地壤介齐平，或者稍微高眼。接下来用一块长门板（或者用毛竹拼拢成板介样子）打横竖起安勒缸口正当中，用东西搭板固定。板第一要肯定比缸个直径长，否则翻进；第二上头搿面要圆滑，因为搿头要坐屁股个。再用别样个木板搭缸口一边盖牢，搿是踏脚板。然后搭上头打围墙，砌个小屋间，砌勒有踏脚板该半边个屙缸上头，搿一是挡风挡雨，二是射辰光别人无没看见。人大便个辰光，就是脚骨安勒脚踏板上头，屁股坐勒“屙缸梃子”（就是搿块打横竖起个板）上头，屁股槽刚正来勒无没脚踏板个搿边，通过地球引力，正好笃勒屙缸里向。屙缸梃子是固定弗会动个，踏脚板可以活动，方便个辰光人脚骨安上头；踏脚板夺掉，格么料勺好搭屙缸里向去撩屙，好去浇菜格当。
便桶间比较简单，实际上是搭小屋间里头安只便桶，人坐勒便桶上头屙污屙尿。
因为室内卫生间个普及，搭仔农业技术个变化，搿种老式屙坑间，刚即越来越少。
