上海闲话
上海闲话，国际音标：[z̻ɑ̃22 hᴇ44 ɦᴇ22 ɦo44]，是吴语太湖片苏沪嘉小片个一种闲话，还是吴语里向喇近代交关有影响力个一种语言。乃朝上海闲话畀推广普通闲话挤占空间，加上上海人出生率下降，出国移民搭外地移民大量涌入，另外最重要个是现在上海学堂里向勿许侬讲上海闲话，弄得来上海话拉喇上海个使用急速下降，传承已经变成了严重个危机。
狭义浪个上海闲话一般性指个是上海市区人讲个闲话。
分布编辑
上海闲话分布喇上海市区，包括黄浦、静安、虹口、杨浦、徐汇、普陀以及上海郊区搭国外个交关多地方。八十年代后，上海市中心拆迁加剧，交关上海人畀迁到郊区，所以上海闲话现在开始往郊区扩散。弗过市中心一些地方因为外来人口个关系，实际上已经成为上海闲话个空白区了。
历史编辑
上海闲话个基础是松江片吴语，原生因为来拉海边，发展交关慢，来北部吴语里向算是顶滞后个一道里个。开埠仔，各个场化个移民特别是江浙吴语区移民出现来当地，再加现代化个进程，上海地区吴语个面貌开始以前所未有个高速发展。上海闲话是适合近代语音个吴语，消灭脱大部分中古汉语遗留，拥有快速、明了个特点。音韵也相当便当，曾经拉70年代前后成为长三角地区通用闲话[1]。[2]
音韵编辑
根据好考个资料，一般根据音韵浪个两样，拿上海闲话分成功老派、中派搭仔新派三种。
连读变调编辑
中派上海闲话
| 代碼 | 調式 | 單字調 | 二字調 | 三字調 | 四字調 | 五字調 |
|---|---|---|---|---|---|---|
| 1. | 陰平式 | 53 | 55＋21 | 55＋33＋21 | 55＋33＋33＋21 | 55＋33＋33＋33＋21 |
| 5. | 去声式 | 34 | 33＋44[1] | 33＋55＋21 | 33＋55＋33＋21 | 33＋55＋33＋33＋21 |
| 6. | 23 | 22＋44 | 22＋55＋21 | 22＋55＋33＋21 | 22＋55＋33＋33＋21 | |
| 7. | 陰入式 | 55 | 33＋44 | 33＋55＋21 | 33＋55＋33＋21 | 33＋55＋33＋33＋21 |
| 8. | 陽入式 | 12 | 11＋23 | 11＋22＋23 | 11＋22＋22＋23
22＋55＋33＋21 |
22＋55＋33＋33＋21 |
表记编辑
在上海开埠个初期，出现着上海土音字。是套系统是由美国传教士高第丕发明个，起头是用来到上海传教。后首有侬运用渠发明个土音字，出版着土音字版个《伊娑菩个比方》。乃朝澳大利亚国家图书馆有一本收藏在许。
词汇编辑
上海开埠仔，作为中国现代化个桥头堡，接触现代个物事也来中国领先。该个也反映来上海闲话里向。归个辰光个上海闲话吸收交关外国词汇，甚至形成所谓个“洋泾浜”英文。上海闲话本身也造出交关新词新语，乃末再扩散到吴语区搭中国别个场化。
人称代词编辑
老派上海闲话个人称代词是：
第一人称 第二人称 第三人称 单数 我 /ŋu13/ 侬 /noŋ13/ 渠（俗作佢、伊，下同） /ɦ̥i13/ 复数 伲 /ȵi13/
我伲 /ŋu13-11 ȵi13-55/㑚 /nɑ13/ 渠拉 /ɦ̥i13-11 lɑ13-55/
中派、新派上海闲话个人称代词是：
第一人称 第二人称 第三人称 单数 我 /ŋu23, ɦ̥u23/ 侬 /noŋ23/ 渠/ɦ̥i23/ 复数 阿拉 /ᴀʔ5-33 lᴀ(ʔ)23-44/ 㑚 /nᴀ23/ 渠拉 /ɦ̥i23-22 lᴀ(ʔ)23-44/
- 第一人称复数到“阿拉”个变化明显是受宁波话个影响。
- 所有格通过拉代词或名词后添加“个” /gəʔ/ 而构成。
现状编辑
上海闲话搭其他方言差弗多，侪处于消亡过程当中。外来人口个涌入加上强行推广官方语言。让上海闲话来勒上海个市中心成为次等语言。来勒郊区情况还要严重。外来人口聚集个闵行、宝山郊区，已经形成了大片中原官话方言岛。上海家长对于上海闲话也没多少清醒认识，多数家长，尤其是老年人，热衷教伊拉后辈普通话，现在上海闲话来勒00后里基本消失。语言发展方面，因为推广讲普通闲话，上海闲话造词能力已经邪气低，基本浪向侪是普通闲话借词。
2013年，上海地铁16号线搭更加新个郊区线路，还有交关公交车侪有得上海闲话报站听。
2017年，iOS 11系统里向增加仔上海闲话听写功能。
2021年，上海闲话电影《爱情神话》上映。
2022年，iOS 16系统里向增加仔上海闲话TTS（语音转文字）功能。
2022年，动画《阳光咖啡厅之新友纪》上海闲话版垃bilibili高头开播。
“沪语”编辑
”沪语“是近来喇勒媒体当中兴趣个对上海市区话个称呼。
沪语爱好者根据语言学定义，认为沪语是一种独立于中文的语言。
就像苏州人认为吴语于就是指苏州话一样，上海市民认为沪语就是上海闲话。当然，交关多个上海人对于语言问题非常重视，有老许多社会团体搭机构多次要求政府保护沪语。所以拉喇媒体当中，并没有对使用“沪语”一词个顾虑。
“优越感”编辑
搿歇有点外地人觉着上海人垃上海公共场合讲上海闲话就是弗尊重、歧视外地人，搞得上海人弗敢对服务行业个人讲自家母语。[3]
别样编辑
参考编辑
- ↑ 汪平. 普通话和苏州话在苏州的消长研究. 语言教学与研究 2003年第1期. 34. 2003年 [2018-05-20]. （原始内容存档于2018-05-20）.
- ↑ 汪平. 普通话和苏州话在苏州的消长研究. 语言教学与研究 2003年第1期. 34. 2003年 [2018-05-20]. （原始内容存档于2018-05-20）.
- ↑ 张星云. 上海：12场并非大受欢迎的方言讲座. 《三联生活周刊》. 2020年12月21日, 1118 (51). （原始内容存档于2021-07-01）.
- 钱乃荣，《上海语言发展史》
