延安東路隧道

延安東路隧道是上海連接浦東搭浦西，跨越黃浦江个一條主要道路，由南北两条隧道组成，共4條行車道。隧道浦西出口勒拉延安東路福建中路口，浦東出口嚜勒拉世紀大道銀城中路口，直接連接世纪大道。全長2,261米，穿越黃浦江个部分有得1,476米。車道寬7.5米，高4.5米，老底子爲雙程行車，每个鐘頭流量爲1,000輛。

延安東路隧道勒1984年12月18號開始興建，1989年5月1日通車。1991年个辰光，勒高峰時段，每小時通過隧道个車輛已達1400輛。1994年1月18號勒原隧道以南动工興建延安東路隧道南線，1996年11月29號正式通車，原延安東路隧道嚜易名延安東路隧道北線，共提供4條行車道。目前，延安東路隧道設計流量爲每小時2400輛，勒高峰時段交通邪氣繁忙，實際流量實實裏超過此數，靠临近个復興東路隧道、大连路隧道、新建路隧道、人民路隧道咾啥提供分流作用。