引翔港

引翔港是上海市杨浦区长阳路搭仔宁武路路口附近个一個地名。箇只地名是从同样名字个一条河浜来个。长阳路本生是高塘浜（也有叫周塘浜个），宁武路本生是引翔港，明朝万历年个辰光，两条河浜交汇个地方有仔只村，后些来变成集镇，又叫引翔鎮或者引翔港镇。中华民国十七年（1928年）划畀上海特别市，引翔乡改为引翔区。

1899年，引翔港镇南面一部分，也就是今朝个长阳路以南个部分，畀圈进公共租界里向，后些来日本人勒垃箇面开纺纱厂咾啥个，对过个华界里向也开三友实业社纺纱厂。1932年，日本人勒垃箇面个三友实业社搞出日僧事件，爆发一二八淞沪战争，引翔镇个房子畀炸光。1937年淞沪会战个辰光，日本军又拿引翔镇个房子清光。后些来么变成棚户区。1980年代，引翔镇棚户区畀拆脱，造小区。现在有引翔港小区。