拉蒙·涩阿诺·苏聂
拉蒙·涩阿诺·苏聂(西文：Ramón Serrano Suñer,1901年9月12号-2003年9月1号）是西班牙20世纪前半段个政客搭律师。伊老早投身西班牙长枪党，跟从小里维拉，搞法西斯主义。西班牙内战开始之后，拥护方济各·弗朗哥，宣传造神，并号召长枪党参与对西班牙第二共和国个战争。1939年4月，国家主义者获得胜利。因为长枪党本身搭纳粹德国、法西斯意大利个特殊关系，所以立在弗朗哥个新政府当中得到重要个职位，从1938年开始到1942年，先后担当过交关弗同部门个部长，并一直负责搭纳粹德国个外交部长里冰特罗普联系碰头。弗过，从1943年开始，因为伊要求效仿罗马尼亚个搞法彻底让西班牙法西斯化，得罪弗朗哥搭老多传统主义人物。加上外头个轴心国集团形式转劣，所以畀弗朗哥替换并打入冷宫。之后一直担当嘸实权个人物。1975年弗朗哥死脱，西班牙开始转向君主复辟后个民主制度之后，经常出来批评后势来自由化个政党选举，成为极右翼心目中个老法师。苏聂2003年9月102岁生日之前才死脱，也是长枪党战前领导人当中寿命顶顶长个。
