新世纪福音战士

《新世纪福音战士》（英语：Neon Genesis EVAngelion），是日本GAINAX出品、由庵野秀明导演个电视动画作品，共总26话，1995年蹲拉东京电视网首播。同年，动画版个人物设定贞本义行还推出同名漫画。1997年上映剧场版《死搭新生》《福音终结》，1998年两部剧场版整合成《福音复兴》。2006年，四部新个剧场版计划开始。

《EVA》开首好算典型个机器人动画，故事注重描写战斗场景搭人物对话。随著情节推移，故事逐渐变成对人物内心世界精神分析式个叙述，来拉压末几话里向表现得淋漓尽致。《EVA》革命性个强烈意识流手法，大量宗教、哲学、心理意象个运用，让渠来拉日本社会掀起好讴“社会现象”程度个巨大回响搭冲击，並成为日本动画史上一座里程碑。

动画

整个《EVA》动画好分成功：

• 《新世纪福音战士》系列

1. 电视版：26话（1995-1996年）
2. 剧场版：
   1. 《死搭新生》（1997年）
      1. Death：电视版前24话总编集
      2. Rebirth：剧场版第25话<Air>前半部分
   2. 《福音终结》（1997年）
      1. 第25话<Air>
      2. 第26话<真心待侬>
   3. 《福音复兴》（1998年） 前头两部整合
      1. Death (True)²：<Death>修正版
      2. Air
      3. 真心待侬

• 《福音战士新剧场版》系列

1. 《福音战士新剧场版：序》（2007年）
2. 《福音战士新剧场版：破》（2009年）
3. 《福音战士新剧场版：Q》（2012年）
4. 《新世紀福音戰士新劇場版：終》（日文：シン・エヴァンゲリオン劇場版𝄇，2021年，“シン”可以是汉字“真”或者“新”，“𝄇”是音乐反覆记号，但是去脱两点个“𝄂”则是终止线。）

分析

从1984年到《EVA》发行之时，受到高度赞扬个日本动画总归有種远离“传统”风格个趋势。而《EVA》是彻底个日本动画，弗仅包含典型御宅文化所具有个机器人、美少女设定、服务，还对七八十年代个动画、特摄、漫画咾啥科幻作品进行著交关恶搞搭致敬。

庵野提到过，渠弗想拿《EVA》做成真人电影恁介个动画，个咾尝试来拉有限个帧数里向展现动画抽象个极致。搭《阿基拉》《攻壳机动队》里拿巨量细节压入一帧个手法弗同，《EVA》常庄有得长时间静止或缓慢移动个画面。

《EVA》里机体搭驾驶员“神经连接”、“零号机”像煞借鉴著1989年到1990年个动画《机动警察》第46话。 使徒是高度理想化抽象化个敌人，形态从正八面体到电脑病毒无奇不有。使徒个描写不论是抽象或具象方面侪达到邪气高个水准。 《EVA》组成剧情个重要部分，“人类补完计划”顶早由美国科幻作家林白乐提出。庵野坚持“人类补完计划”翻成功英语“Human Instrumentality Project”（林白乐个提法）以作致敬。当然两者实质大相径庭。