新反動主義

新反動主義（Neoreaction，簡稱NRx），谐叫做黑暗啟蒙運動（Dark Enlightenment），是西方今朝反對民主搭啟蒙運動思想個政治運動。新反動主義者弗認同平等主義，認為歷史弗一定向自由搭啟蒙發展（反對輝格史觀），提倡恢復舊辰光個社會搭政治系統（如君主制或畀國家當成股份公司治理），搭保守主義谐經濟民族主義個經濟政策。新反動主義者對如性別角色，種族，搭移民個社會問題大多持保守個觀點。

2013年個一個TechCrunch雜誌文章描述新反動主義者是一個自2000年代開始活躍個“弗正式個博客作者搭政治理論家個圈子”。斯蒂夫·賽勒搭漢斯-赫爾曼·霍普被稱作新反動主義個先驅。新反動主義者個思想影響有托馬斯·卡萊爾搭尤利烏斯·埃佛拉。Takimag雜誌個Nicholas James Pell指出主要個新反動主義人物有計算機科學家柯蒂斯·雅文（筆名孟子·摩德巴格），加速主義創始人尼克·蘭德，超人類主義者Michael Anissimov，天主教無政府主義者Bryce Laliberte，後自由意志主義者Jim，搭Radish報刊個諷刺家。

新反動主義被稱作另類右派個早期學派，谐被批評者稱作“新法西斯主義”。2016年「紐約」雜誌一篇文章講，“新反動主義種類繁多，弗過最重要個是一種後自由意志主義個未來主義論調，認識到自由意志主義弗可能贏得選舉（即通過民主渠道實現願望）便反對民主，鼓吹威權主義政府。”雅文講，自由意志主義個民主是個“悖論”，如同“飛行個鯨魚搭水推動個汽車”。

主要思想

如尼克·蘭德個文章「黑暗啟蒙」里所講，新反動主義者一些主要論點來自於自由意志主義者，如彼得·泰爾。迭文章還指出2009年個「Cato Unbound」自由意志主義討論會中弗少思想家表達對自由搭民主製共同存在可行性個質疑。

柯蒂斯·雅文提倡個系統名為新官房主義（源自德國個官方學派），迭個系統里國家畀搭股份公司一樣運作，由個CEO管理最大化利潤。

彼得·泰爾搭Patri Friedman認為可以在海洋丄建造城市脫離現有個法律搭規定制約。

新反動主義者Michael Perilloux認為美國總統唐納德·川普應該取消美國憲法，宣布戒嚴狀態，搭畀政府以川普集团取代。谷歌工程師Justine Tunney也發起畀谷歌CEO Eric Schmidt做「美國CEO」個請願。

一些新反動主義者關注於用科技戰勝國家，如通過超人類主義加速主義畀自己變成超智慧個人搭計算機個複合體。迭是超人類主義者Michael Anissimov個觀點，渠認為人種之間已有智商差別，而超人類技術會畀迭個差距更大化。