朱由校

明熹宗朱由校（1605－1627）是明朝在末第二个皇帝。渠是明光宗个大儿子，也是明神宗朱翊钧个皇太孙。万历四十八年七月，渠场爹爹(da-da)明神宗驾崩，八月，渠场爷朱常洛即位，弗过一只月后，就因为春药吃来忒多咾死脱。之后，朱由校在移宫案里向，隑著东林党个刘一燝、周嘉谟、杨涟、左光斗之类东林党大臣个牌头上位。第二年，担年号改成功著天启。朱由校统治阶段，对政治问题无何兴趣，碰著何事干统听自家奶婶婶客氏搭老奴魏忠贤个。之后，魏忠贤搭东林党爆发著矛盾，朱由校支持魏忠贤，担东林党做脱。同时，担东林党个据点苏南地区统统端脱，激发著江南士大夫邪气剧烈个弗满，因此，朱由校畀渠场当成功昏君。

明熹宗像

死脱

天启七年（1627年）八月，朱由校搭客氏、魏忠贤一淘，到西苑薄相。在桥北浅水处大船丄吃老酒。貤搭王体乾、魏忠贤，喊两个亲信宦官陪同，到深水区域趁船荡漾。结果，大风一来，船翻脱，伤风、发寒热。貤吃太医个仙丹，开始得水肿病，无几许辰光，便死脱哉。

爱好

朱由校欢喜做木工，水平比交关工匠还要高。渠平常弗大上朝，就欢喜一家头在紫禁城后宫做木匠生活。真真搭路易十六一色哉。