普朗克單位

普朗克單位（英语：Plank units）是一種測量單位系統，是德国物理学家马克斯·普朗克来在1899年最先提出个。在粒子物理学搭物理宇宙学裡向，伊根據下頭四隻普世物理常数：光速c，万有引力常数G，約化普朗克常數（也謳作狄拉克常數）ħ，玻尔兹曼常数k_B來定義。用普朗克單位來表示箇許常數，箇數值是1。箇中測量單位系統，弗是以選定个原型物事（prototype object）个性質，卻情是以自由空間个基本性質來定義个。箇個单位制度對研究統一理論，比方講量子引力，有重要意義。

1878年个普朗克

在佢个第一本交關自然單位个出版物中央，是嘸忖用電磁單位个，後髖，因之對箇需求明顯，纔加上去个。現代，普朗克單位有時候也會得包括一隻额外个电荷单位ϵ0，好規範​电磁相互作用交關个方程，箇便加上爻普朗克電荷qP​，是1.875×10−18庫侖光景。搭國際單位制情況弗樣，因之伊是自然单位制，伊个“1”嘸官方个定義，各個作者侪有眼弗一樣。來箇出版物中央，佢用个也是普朗克常数h，但瑲朞版本會用約化普朗克常數ℏ。

介紹

何物測量系統侪好指定一組互相獨立个基本量搭交關个基本單位，赫再導出各許量搭單位。打比方，在國際單位制裡向，基本量長頭，對應單位是米。在普朗克單位系統裡向，好走選差弗多个一組基本量搭交關單位，來表示各許量搭一樣个單位。普朗克長度是大家曉得个長頭个普朗克單位，赫普朗克時間便是辰光个普朗克間隔，但箇命名嘸擴展著全部量。

所有普朗克單位從定義箇系統个有量綱个普遍物理常數中央起源，赫再按簡略約定个略去單位（也便是畀佢侇望成无量纲量1），箇許常數便從出現个物理方程中央消脱。打比方講，牛顿万有引力定律：

$F=G{\frac {m_{1}m_{2}}{r^{2}}}$

用普朗克單位後，好表示成：

${\frac {F}{F_{\text{P}}}}={\frac {\left({\frac {m_{1}}{m_{\text{P}}}}\right)\left({\frac {m_{2}}{m_{\text{P}}}}\right)}{\left({\frac {r}{l_{\text{P}}}}\right)^{2}}}$

箇兩隻方程在何物量系中央都是量綱一樣搭有效个，但第二隻方程嘸G，只涉着无量纲量，因之何物兩隻量綱樣个量个比便是嘸量綱量。假使通過簡略約定（shorthand convention），各个物理量便是一樣个普朗克單位个相應个以普朗克單位表示个比值。上述比值好簡單用物理量个符號表示，明確縮放箇到相應單位是弗必要个。綜上得出嘸G个方程：

$F'={\frac {m_{1}'m_{2}'}{r'^{2}}}$

箇嘸G方程来扗F′、m1′​、m2′​搭r′侪是對應標準量个无量纲量个辰光是有效个，但弗是直接个等量。箇望起搭因之對應个量畀認作相等，便畀許常數設成1樣个。因箇，用普朗克或各許自然單位个辰光必須當心。保羅·S·維森便認為，畀G當作=c=1个巧法，數學上頭好接受，但物理上頭有可能有信息呒脱。

相關條目

• 量纲分析
• 物理常數
• 普朗克尺寸
• 普朗克粒子
• 普朗克时期
• 洛伦兹-亥维赛单位制
• 高斯单位制
• 國際單位制